ठळक मुद्देबेशुद्ध करून पकडले
लोकमत न्यूज नेटवर्कचंद्रपूर : शहराची दाट वस्ती असलेल्या बालाजी वॉर्डात शनिवारी सकाळी चक्क एक अस्वल नागरिकांच्या नजरेस पडले आणि एकच गडबड उडाली. एरव्ही बिबट किंवा वाघ गावात शिरण्याच्या बातम्यांची सवय असताना, अचानक अस्वल दिसल्याने नागरिकांना आश्चर्याचा धक्का बसला. हे अस्वल बालाजी वॉर्डातील एखा झुडुपात दडलेले होते. नागरिकांनी प्रसंगावधान राखत तात्काळ वनविभागाला पाचारण केले. विभागाच्या कर्मचाऱ्यांनी या अस्वलाला बेशुद्ध करून ताब्यात घेतले आणि लोकांनी सुटकेचा निश्वास टाकला. चंद्रपूर शहराच्या या भागालगत कुठलेच जंगल नसताना हे अस्वल तिथपर्यंत कसे पोहचले याबाबत जनसामान्यांत कुतूहल व्यक्त केले जात आहे.