IPPB: सरकारी नोकरी, चांगला पगार; इंडिया पोस्ट पेमेंट्स बँकेत नोकरी, अर्ज करण्याची आज शेवटची संधी!

IPPB GDS Recruitment 2025: इंडिया पोस्ट पेमेंट्स बँक मध्ये ग्रामीण डाक सेवक पदांसाठी अर्ज करू इच्छिणाऱ्या उमेदवारांसाठी एक महत्त्वाची सूचना आहे.

इंडिया पोस्ट पेमेंट्स बँक मध्ये ग्रामीण डाक सेवक पदांसाठी अर्ज करू इच्छिणाऱ्या उमेदवारांसाठी एक महत्त्वाची सूचना आहे. या भरतीसाठी अर्ज करण्याची आज (२९ ऑक्टोबर २०२५) शेवटची संधी आहे. उद्यापासून (३० ऑक्टोबर २०२५) कोणत्याही उमेदवाराचे अर्ज स्वीकारले जाणार नाहीत. त्यामुळे इच्छुक आणि पात्र उमेदवारांनी त्वरित अर्ज प्रक्रिया पूर्ण करावी. एकूण ३४८ रिक्त पदांसाठी ही भरती मोहीम राबवण्यात येत असून, अर्ज फक्त इंडिया पोस्ट पेमेंट्स बँकेच्या अधिकृत वेबसाइट ippbonline.com वर ऑनलाइन पद्धतीने स्वीकारले जातील.

पात्रता आणि वयोमर्यादा

उमेदवाराकडे कोणत्याही मान्यताप्राप्त विद्यापीठाची बॅचलर पदवी असणे आवश्यक आहे. अर्ज करणाऱ्या उमेदवारांचे वय २० ते ३५ वर्षांच्या दरम्यान (१ ऑगस्ट २०२५ पर्यंत) असावे. राखीव प्रवर्गातील उमेदवारांना सरकारी नियमांनुसार वयोमर्यादेत सूट दिली जाईल. 

निवड प्रक्रिया

उमेदवारांची निवड प्रामुख्याने ऑनलाइन चाचणी आणि त्यानंतर मुलाखत/कागदपत्र पडताळणी या आधारे केली जाईल. ऑनलाइन चाचणी मध्ये सामान्य ज्ञान, संगणक ज्ञान, संख्यात्मक अभिरुची आणि तर्क यावर आधारित प्रश्न विचारले जातील. 

वेतन

ग्रामीण डाक सेवक म्हणून निवड झालेल्या उमेदवारांना बँकिंग सुविधा आणि इतर भत्त्यांसह दरमहा अंदाजे ₹३०,००० ते ₹३५,००० इतका आकर्षक पगार दिला जाईल. उमेदवारांनी आज रात्री १२ वाजेपूर्वी अधिकृत वेबसाइटवर जाऊन अर्ज करणे अनिवार्य आहे. अधिक माहितीसाठी उमेदवारांनी इंडिया पोस्ट पेमेंट्स बँकेच्या अधिकृत वेबसाइटला भेट द्यावी.