बुलढाणा/मोताळा : अज्ञात वाहनाने दिलेल्या धडकेत २५ वर्षीय युवकाचा मृत्यू झाल्याची घटना १४ मार्च राेजी रात्री नांदुरा मार्गावरील विश्रामगृहाजवळ घडली. अनिल विलास डोंगरे रा.तिघ्रा असे मृतकाचे नाव आहे.
तालुक्यातील तिघ्रा येथील अनिल विलास डोंगरे हा २५ वर्षीय युवक १४ मार्च रोजी गुरुवारी रात्री मोताळा येथून घरी तिघ्रा येथे जात हाेता. दरम्यान, नांदुरा मार्गावरील विश्रामगृहाजवळ त्याच्या दुचाकीला अज्ञात वाहनाने जबर धडक दिली. या अपघातात दुचाकीवरील अनिल डोंगरे याच्या डोक्याला जबर मार लागल्याने ताे गंभीर झाला होता. यावेळी ग्रामस्थांच्या मदतीने त्यास रुग्णवाहिकेतून बुलडाणा येथे उपचारासाठी पाठविण्यात आले होते, परंतु डोक्याला जबर मार लागलेला असल्याने, त्याची प्रकृती चिंताजनक असल्याने प्राथमिक उपचार करून त्यास पुढील उपचारासाठी छत्रपती संभाजीनगर येथे हलविण्यात आले होते. उपचाराच्या दरम्यान १५ मार्च रोजी त्याचा मृत्यू झाला आहे. या प्रकरणी पुढील तपास पाेलिस करीत आहेत.