अनिल गवई, खामगाव: शहरातील स्थानिक चांदे कॉलनीतील एका घरातून चोरट्यांनी मध्यरात्री सुमारे सव्वादोन लाखांचा ऐवज लंपास केला. ही घटना शनिवारी सकाळी उजेडात आली. या घटनेमुळे खामगाव शहरात एकच खळबळ उडाली आहे.
याबाबत मिळालेली माहिती अशी की, चांदे कॉलनीतील अविनाश सोनोने रात्री कुटुंबियांसोबत घरात झोपले असताना, अज्ञात चोरट्यांनी मागील खोलीचा दरवाना तोडून आत प्रवेश केला. घरातील कपाट फोडले. त्यानंतर कपाटातील रोख दोन लाख रूपये आणि २० हजार रूपयांचे दागीणे असा एकुण दोन लाख २० हजार रूपयांचा मुद्देमाल लंपास केला. ही घटना निदर्शनास येताच सोनोने यांनी शहर पोलीसांना या घटनेची माहिती िदली. त्यानंतर शहर पोलिसांनी घटनास्थळी धाव घेवून पाहणी केली. यावेळी तपासासाठी श्‍वान पाचारण करण्यात आले होते. याबाबत अविनाश ओंकार सोनोने(३८) यांनी शहर पोस्ट तक्रार दिली असून याप्रकरणी पोलिसांनी अज्ञात चोरटयांविरुध्द गुन्हा दाखल केला असून पुढील तपास शहर पोलीस करीत आहेत.चोरटे सीसी कॅमेर्यात कैद...
या चोरी प्रकरणी शहर पोलिसांनी शेजारच्या घरावरील सीसी कॅमेर्याचे फुटेज तपासले. यामध्ये तीन ते चार चोरटे दिसून येत आहेत. त्या आधारे पोलीस त्यांचा शोध घेत असल्याचे समजते.