चारचाकी वाहनांचा विचित्र अपघात

सुलतानपूर- लोणार मार्गावर अपघात; दुखापत नाही.

वडगाव तेजन (जि. बुलडाणा) : सुलतानपूरकडून लोणारकडे जात असलेल्या चार चाकी वाहनास समोरून येणार्‍या चारचाकी वाहनाची धडक झाली. यामध्ये कोणालाही दुखापत झाली नाही. मात्र, गाड्यांचे नुकसान झाले आहे. ही घटना २१ मार्च रोजी दुपारी १ वाजता सरस्वती विद्यालयासमोर घडली. लोणारकडून सुलतानपूरकडे जात असलेली एम.एच.२८ - ३८७0 ही गाडी व समोरून येणारी एम.एच.२८ व्ही. २४२७ ही गाडी, या दोन गाड्यामध्ये धडक झाली. तसेच मागून येणार्‍या लोणारकडे जात असलेल्या एम.एच.१२ व्ही. ९५३२ या गाडीला पुन्हा एम.एच.२८ -३८७0 याची धडक झाली. मात्र, सुदैवाने कोणतीही हानी झाली नाही. पोलीस तपास सुरू होता.