एसटी बसचा अपघात; एक गंभीर

भरधाव एस टी बसने मेहकरकडून लोणारकडे येणा-या मोटारसायकलस्वारास दिली धडक.

शारा (जि. बुलडाणा): भरधाव एस टी बसने मेहकरकडून लोणारकडे येणार्‍या मोटारसायकलस्वारास धडक दिल्याने मोटारसायकलस्वार गंभीररीत्या जखमी झाल्याची घटना २८ जूनच्या ४.३0 वाजता दरम्यान घडली. याबाबत गंभीर युवकास औरंगाबाद येथे हलविण्यात आले आहे. लोणार बसस्थानकावरून किनवट डेपोची किनवट औरंगाबाद बस क्र. एम एच २0 व्ही. २९४८ ही ४.१५ वाजेच्या दरम्यान भरधाव जात असताना मेहकरवरून रिसोड तालुक्यातील भरजहागीर गावातील रामेश्‍वर चोपडे वय ४0 हे मोटारसायकल क्र. एम.एच. १५-२९३८ ने येत असताना शारा गावाजवळील वळणावर भरधाव येणार्‍या बसने मोटारसायकलस्वारास धडक दिली. मोटारसायकलस्वार बसच्या समोर आला व यामध्ये त्याचा पाय पूर्णपणे तुटून पडला. गंभीर जखमी रामेश्‍वरला उपचारासाठी ग्रामीण रुग्णालयामध्ये दाखल करण्यात आले; मात्र युवकाच्या पायामधून रक्तस्त्राव जास्त होत असल्यामुळे त्याला पुढील उपचारासाठी मेहकर येथे हलविण्यात आले.