नगरसेविकेच्या घरून ७ हजाराची दारू जप्त!

शेगाव : येथील शिवनेरी चौकातील नगरसेविकेच्या घरावर एसडीपीओ पथकाने छापा मारून ७ हजार रूपयाची दारू जप्त केल्याची घटना उघडकीस आली आहे.

लोकमत न्यूज नेटवर्कशेगाव : येथील शिवनेरी चौकातील नगरसेविकेच्या घरावर एसडीपीओ पथकाने छापा मारून ७ हजार रूपयाची दारू जप्त केल्याची घटना उघडकीस आली आहे. एसडीपीओ दरेकर व त्यांच्या पथकाने बुधवारी मध्यरात्री दरम्यान नगरसेविका सौ.चव्हाण यांच्या शिवनेरी चौकातील घरावर छापा मारला असता त्याठिकाणी त्यांना दारूसाठा आढळून आला. यावेळी पोलिसांनी ७ हजार ४४८ रूपयाच्या दारूसह मुद्देमाल जप्त केला. याप्रकरणी नगरसेविका पती कमलाकर तुळशिराम चव्हाण (वय ५०) यांचेविरूध्द कलम ६५ ई नुसार गुन्हा दाखल करण्यात आला असून त्याला अटक करण्यात आली आहे.