शिरपूर येथील युवकांचा स्वाभिमानीत प्रवेश

स्वाभिमानी हेल्पलाईन सेंटर, बुलडाणा येथे हा प्रवेश सोहळा पार पडला. शेतकरी हिताच्या लढाईत युवकांचे योगदान महत्त्वाचे राहिले आहे. अंकुश सुसर, सुभाष गिरी आणि त्यांच्या सहकाऱ्यांनी शेतकरी हितासाठी घेतलेला ‘स्वाभिमानी’चा निर्णय शेतकरी चळवळीला बळ देणारा ठरतो, असे प्रतिपादन यावेळी रविकांत तुपकर यांनी केले. दरम्यान, संघटनेतील जुने कार्यकर्ते सुभाष गिरी यांनीदेखील संघटनेत घरवापसी केली. यावेळी सुसर व गिरी यांच्यासमवेत सचिन सुसर, गजानन शेळके, शुभम सुसर, स्वप्निल लेंभे, तुषार सुसर, शिवशंकर मुळे, पवन काकडे, वैभव गव्हाणे, विठ्ठल कऱ्हाडे, रमेश शेळके, मधुकर शेळके, युवराज भोपळे आदी युवकांनी प्रवेश घेतला. याप्रसंगी स्वाभिमानीचे राणा चंदन, पवन देशमुख, शे. रफिक शे. करीम, विनायक सरनाईक, नितीन राजपूत, संदीप मुळे, अनिल बोरकर, आकाश माळोदे यांच्यासह कार्यकर्ते व पदाधिकारी उपस्थित होते.