बुलढाणा - समाजात तेढ निर्माण करणाऱ्या आरोपीला बुलढाणा शहर पोलिसांनी ७ एप्रिल रोजी सायंकाळी अटक केली होती. दरम्यान, ८ एप्रिलला आरोपीस न्यायालयात हजर केले असता, दोन दिवसाची पोलीस कोठडी देण्यात आली आहे.
शहरातील संगम चौकात फळ विक्रेत्याकडून चोरीच्या संशयाने एका वृद्ध महिलेला मारहाण करण्यात आली होती. त्या मारहाणीच्या व्हिडिओत मिक्सिंग करून केशव ज्योतीस्वरूप बेंडवाल (वय ३०, रा. अण्णाभाऊ साठे नगर, बुलढाणा) याने दोन समाजात तेढ निर्माण करणारे आव्हान केलेले व्हीडिओ सोशल मीडियावर व्हायरल केले होते.
हा व्हिडिओ व्हायरल झाल्यानंतर बुलढाणा शहर पोलीस स्टेशन येथे कार्यरत पोलीस हेडकॉन्स्टेबल पंजाब साखरे यांच्या तक्रारीवरून बुलढाणा शहर ठाण्यात आरोपी केशव बेंडवाल विरुद्ध दोन समाजात तेढ निर्माण केल्याप्रकरणी गुन्हा दाखल करण्यात आला आहे. दरम्यान, शुक्रवारी रात्री त्याला पोलीसांनी अटक करून ८ एप्रिल रोजी त्याला न्यायालय समोर हजर केले असता दोन दिवसाची पोलीस कोठडी देण्यात आली आहे.