लोकमत न्यूज नेटवर्कचिखली: नियतीने डोळय़ातली प्रकाशज्योती हिरावून घेतल्याने अंधत्व आलेल्या व्यक्तींसाठी साधे जगणोही खडतर होऊन बसते; मात्र तालुक्यातील एकलारा येथील देशमुख परिवाराच्या सूनबाई असलेल्या जन्मांध कांचनमाला विनोद देशमुख यांनी नशिबी आलेल्या जन्मजात अंधत्वावर मात करून जागतिक क्षितिजाला गवसणी घातलेली आहे. अंधांसाठीच्या जलतरण स् पध्रेत राष्ट्रीय व अंतराराष्ट्रीय स्तरावर पदकांचे शतक पार केलेल्या कांचनमाला देशमुख सध्या जागतिक जलतरण अजिंक्यपद स् पर्धेची तयारी करीत असून, त्यांचा आजवरचा प्रवास सर्वांसाठी प्रेरणादायी आहे. अमरावती येथील पांडे कुटुंबात जन्मलेल्या कांचनमाला यांचे वडील स्वत: हॉकीपटू होते. जन्मांध मुलीला क्रीडा क्षेत्रात नै पुण्यापर्यंत पोहचविण्याचे स्वप्न त्यांच्या वडिलांनी त्यांच्या बाल पणीच पाहिले. कांचनमालासुद्धा दृढ संकल्प आणि जिद्द राखून ते स्वप्न साकार करीत आहेत. वयाच्या दहाव्या वर्षापासून त्यांनी पोहायला सुरुवात केली. आपल्या अंधत्वाच्या र्मयादा पार करून अनेकदा त्यांनी खुल्या गटातील स्पर्धांमध्येही डोळस प्रतिस् पध्र्यांनासुद्धा आपल्या गुणवत्तेची चमक दाखवलेली आहे. राष्ट्रीय स्तरावर तब्बल ११0 पदके आणि आंतरराष्ट्रीय स्तरावर १0 पदके मिळवून कांचनमाला यांनी आपले श्रेष्ठत्व सिद्ध केले आहे. विशेष उल्लेखनीय बाब म्हणजे केवळ ११ व्या वर्षी कांचनमाला देशमुख यांनी समुद्रातील सात किमी. अंतर १ तास १४ मिनिटात पार करून लिम्का बुक ऑफ वर्ल्ड रेकॉर्डमध्ये आपले नाव नोंदवले असून, त्यांचा हा विक्रम मागील १७ वर्षात कोणीही मोडू शकले नाही. अंगभूत गुणवत्ता ठासून भरलेल्या कांचनमाला देशमुख सध्या अंधांसाठीच्या जागतिक जलतरण अजिंक्यपद स्पर्धेची तयारी करीत आहेत. या स्पर्धेसाठीची पात्नता फेरी त्यांनी यशास्वीपणे पार केली आहे. असे करणार्‍या त्या दुसर्‍या भारतीय महिला जलतरणपटू आहेत. ‘आपण कोणत्याही क्षेत्नात काम करीत असू, त्या क्षेत्नाला युद्धभूमी समजून तेथे आ पले सर्वोत्तम प्रदर्शन करा’, हा त्यांचा संदेश प्रत्येकासाठी प्रेरणा देणारा ठरतो. शारीरिक कमतरतेवर मात करून येथवर पोहचलेल्या कांचनमाला यांच्या वाटचालीत वडील आणि पतीची लाभलेली साथदेखील तेवढीच महत्त्वपूर्ण म्हणावी लागेल. ‘ पालकांनो, आपल्या मुलांना खेळू द्या, बागडू द्या, बहरू द्या. मा तीशी असलेली त्यांची नाळ तोडू नका’, अशी कळकळीची विनंती कांचनमाला सर्वांना करीत असतात. यातून त्यांचे परिपक्व व्यक्तिमत्त्व डोकावते. म्हणूनच जन्मजात अंधत्वावर मात करून जागतिक क्षितिजाला गवसणी घालणार्‍या सागरकन्या कांचनमाला देशमुख सध्या त्यांच्या राष्ट्रीय स्पध्रेसाठी कसून सराव करीत आहेत.
जलधी तरण तलावाची प्रशंसाएकलारा येथील देशमुख परिवाराच्या सूनबाई असलेल्या कांचनमाला विनोद देशमुख या सध्या नागपूर येथे भारतीय रिझर्व्ह बँकेत कार्यरत आहेत. दिवाळीचा सण साजरा करण्यासाठी त्या आपल्या सासरी म्हणजे एकलारा येथे आल्या होत्या. अगदी दिवाळीचा सुटीचा काळदेखील व्यर्थ जाऊ न देता त्यांनी आपली तयारी जोरात सुरू ठेवली आहे. येथे जवळपास कुठे स्विमिंग पूल आहे का, याची चौकशी त्यांनी केली असता, जलधी तरण तलावाची माहिती त्यांना मिळाली. देशमुख कुटुंबीयांनी जलधीचे संचालक सतीश गुप्त यांच्याशी संपर्क साधून कांचनमाला यांच्या सरावासाठी विचारणा केली असता गुप्ता यांनी आनंदाने तयारी दाखवली. कांचनमाला यांनी जलधी तरण तलावात दोन दिवस पोहण्याचा मनसोक्त सराव केला. भारतासह विदेशातील अत्याधुनिक स्विमिंग पूलमध्ये जलतरण केलेल्या या अनुभवी जलतरणपटूने चिखलीसारख्या तालु क्याच्या गावात एवढा अद्ययावत स्विमिंग पूल असल्याबद्दल सुखद आश्‍चर्य व्यक्त केले. येथील गुणवत्ता, व्यवस्था आणि सुरिक्षतता या गोष्टींची त्यांनी प्रशंसा केली.