नांदुरा अर्बन बँक निवडणुकीत प्रगती पॅनल विजयी

प्रगती पॅनलचे सर्व उमेदवार विजयी.

नांदुरा (जि.बुलडाणा), दि. २७- येथील दि नांदुरा अर्बन को-ऑप. बँकेच्या नवीन संचालक मंडळ निवडीसाठी २५ सप्टेंबर रोजी निवडणूक पार पडली. या निवडणुकीची मतमोजणी २६ सप्टेंबर रोजी झाली असून, त्यामध्ये प्रगती पॅनलचे सर्व उमेदवार विजयी झाले आहेत. विद्यमान अध्यक्ष अविनाश नाफडे व कार्यकारी संचालक अरूण पांडव, उपाध्यक्ष चंपालाल झंवर, भरतकुमार भुतडा, सतराम हरगुनानी, प्रल्हाद भारंबे, अनूप कोलते, श्याम चोपडे, विठ्ठलदास डागा, जगन्नाथ डांगे, गणेश नथ्थाणी, आशादेवी प्रकाश खंडेलवाल, सुमन राकेश मिहाणी, विजयी झाले. तर लक्ष्मण खोंदील व साहेबराव जवरे हे दोन संचालक अगोदरच अविरोध निवडून आलेले आहेत. तर प्रत्यक्ष मतदानाच्या मतमोजणीनंतर प्रगती पॅनलचे आणखी काही उमेदवार निवडून आले आहेत. अविनाश नाफडे यांना ५७९१ मते मिळाली. तर कार्यकारी संचालक अरूण पांडव ४९८८, उपाध्यक्ष चंपालाल झंवर ५८७0, भरतकुमार भुतडा ५६४६, सतराम हरगुनानी ४५७१, प्रल्हाद भारंबे ५५२६, अनूप कोलते ५२२७, श्याम चोपडे ५६३९, विठ्ठलदास डागा ६२४१, जगन्नाथ डांगे ५९३६, गणेश नथ्थाणी ५८८१, आशादेवी प्रकाश खंडेलवाल ६४१0, सुमन राकेश मिहाणी यांना ५६५३ मते मिळाली आहेत. पराभुत अपक्ष उमेदवार सत्यनारायण हरकुट यांना ३८७५, शीलाताई पेठकर १३९५, सुरेश पेठकर २७५८, प्रतिभा राठोड ११0५, प्रवीण भुतडा यांना १९६७ मते मिळाली आहेत.