हुंड्यासाठी मोडले लग्न; ६ जणांविरुध्द गुन्हा दाखल

खामगाव : हुंडा देण्यास नकार दिल्याने लग्न मोडल्याप्रकरणी फिर्यादीवरुन खामगाव शहर पोलिसांनी पिंपळगाव राजा येथील ६ जणांविरुध्द गुन्हा दाखल केला आहे. शहरातील जिया कॉलनी भागात राहणारे सरफराज हुसेन गुलाम हुसेन (वय ५५) यांच्या मुलीचा विवाह तालुक्यातील पिंपळगाव राजा येथील निसार अहमद याच्याशी ठरला होता. ८ मे रोजीची लग्नाची तारीख सुध्दा निश्चित झाली होती. दरम्यान ५ एप्रिल रोजी मुलाकडील मंडळींनी सरफराज यांच्या घरी येवून हुंडा म्हणून दीड लाखाची मागणी केली. मात्र सरफराज खान यांनी हुंडा देण्यास नकार दिल्याने मुलाकडील मंडळींनी लग्न मोडले. उपरोक्त आशयाची फिर्याद सरफराज खान यांनी खामगाव शहर पोलिस स्टेशनला दिली. या फिर्यादीवरुन शहर पोलिसांनी निसार अहमद, नजमाबी, मुस्ताक अहमद, वकार अहमद, सलमा बेगम, हाजेराबी सर्व रा.पिंपळगाव राजा अशा सहा जणांविरुध्द कलम ३, ४ हुंडा प्रतिबंधक कायदा सहकलम ४२७, ३४ भादंविनुसार गुन्हा दाखल केला आहे.