राजमाता जिजाऊ यांच्या पुण्यतिथीनिमित्ताने गुरुवारी राजवाड्यात अत्यंत साधेपणाने त्यांना अभिवादन करण्यात आले. सकाळी ११ वाजता राजवाडा येथील जिजाऊंच्या पुतळ्याचे पूजन करण्यात आले. यावेळी जिजाऊ वंशज राजे शिवाजीराव जाधव, नगराध्यक्ष सतीश तायडे, मुख्याधिकारी प्रशांत व्हटकर, नगरसेवक विजय तायडे, अमोल ठाकरे, शहाजी चौधरी, राजेंद्र आढाव, गजानन मेहेत्रे यांच्यासह अन्य उपस्थित होते.
--जिजाऊ सृष्टीवरही वृक्षारोपण--
स्मृतिदिनाच्या निमित्ताने जिजाऊ सृष्टी येथे जिजाऊ पूजन करण्यात आले. जिजाऊ सृष्टी येथील शिवधर्म पीठ येथे वड, पिंपळ या झाडांच्या १०१ रोपांची लागवड राजे शिवाजीराव जाधव यांच्या हस्ते करण्यात आली. जालना येथील जिल्हा परिषद सदस्य शिवाजी सवने, बाळासाहेब देशमुख, बालाजी नखाते, संदीप सोळंके यांच्यासह जिजाऊ सृष्टी व्यवस्थापन समितीचे सदस्य प्रामुख्याने उपस्थित होते.