गाेमेधर येथील मदन रामभाऊ इल्लरकर यांनी दिलेल्या तक्रारीनुसार आरोपी कविता विशाल आंधळे यांच्यासह ११ जणांनी मिळून मदन इल्लरक हा दूध घेऊन जात असताना त्यास रस्त्यात अडवून लोखंडी रॉडने मारहाण केली. त्यानंतर जातिवाचक शिवीगाळ करीत आमच्या विरुद्ध पोलिसांत दिलेली तक्रार मागे घे, नाहीतर तुला जिवाने मारून टाकू अशी धमकी दिली. त्यावरून आरोपी कविता विशाल आंधळे यांच्यासह ११ जणांविरुद्ध अनुसूचित जाती जमाती प्रतिबंधक कायद्यासह विविध कलमान्वये गुन्हे दाखल करण्यात आले आहेत.
दुसऱ्या गटाकडून कविता विशाल आंधळे या महिलेच्या तक्रारीवरून आरोपी मदन रामभाऊ इल्लरकर सह २३ जणांविरुद्ध विविध कलमान्वये गुन्हे दाखल करण्यात आले आहेत. उशिरापर्यंत कोणालाही अटक करण्यात आली नव्हती. या घटनेचा तपास उपविभागीय पोलीस अधिकारी विलास यमावार यांच्या मार्गदर्शनाखाली ठाणेदार दिलीप मसराम हे करीत आहेत.