सरपंच महिलेचा अपघातात मृत्यू

बुलडाणा जिल्ह्यातील गोहोगाव दांदडे येथील सरपंच महिलेचा अपघाती मृत्यू.

गोहोगाव दांदडे (जि. बुलडाणा): मेहकर तालुक्यातील गोहोगाव दांदडे येथील सरपंच महिलेचा मालेगाव ते नागरतास रोडवर ७ डिसेंबरला मोटारसायकलचा अपघात झाला होता. उपचारादरम्यान ९ डिसेंबरच्या रात्री त्यांचा मृत्यू झाला. येथील सरपंच मीना विजय दांदडे (३५) हय़ा ७ डिसेंबरला त्यांच्या बहिणीचा मुलगा सागर जाधव रा. कोयाळी जाधव यांच्यासोबत मोटारसायकलने मालेगाव तालुक्यातील खिर्डा येथे माहेरी जात होत्या. दरम्यान, मालेगाव ते नागरतास रोडवर त्यांच्या मोटारसायकलला ट्रकने धडक दिली. त्यामध्ये सागर जाधव हा जखमी झाला असून, मीना दांदडे यांच्या डोक्याला मार लागून त्या गंभीर जखमी झाल्या होत्या. उपचारादरम्यान मीना दांदडे यांचा मृत्यू झाला. मीना दांदडे यांच्या पश्‍चात पती, २ मुले, सासू-सासरे व बराच मोठा आप्त परिवार आहे.