कोळसा घेऊन जाणारा ट्रक उलटला

दोन जखमी

अंजनी खु. : सुलतानपूर ते बिबी मार्गावर अंजनी खु. गावानजीक लाकडाचा कोळसा घेऊन जाणारा ट्रक उलटल्याने दोन जण किरकोळ जखमी झाले. अपघातात ट्रकचे बरेच नुकसान झाले. ही घटना ११ मार्च रोजी सकाळच्या सुमारास घडली. मेहकरकडून औरंगाबादकडे एम.एच. २0 सी.टी. ८0१५ क्रमांकाच्या ट्रकने लाकडी कोळची वाहतूक केली जात होती. दरम्यान अंजनी खु. गावाजनीकच्या पुलावर एका महाकाय खड्डय़ामुळे सदर ट्रक उलटला. त्यामध्ये चालक कृष्णराम राठोड व राजू आडे हे दोघे जण किरकोळ जखमी झाले. या अपघातात ट्रकचे बरेच मोठे नुकसान झाले आहे. सदर रस्त्यावर मोठय़ा प्रमाणावर खड्डय़ांचे साम्राज्य निर्माण झाले असून, अपघाताच्या घटनांमध्ये वाढ होत असल्याच्या तक्रारी आहेत.