लोणार: राष्ट्रपीता महात्मा गांधी यांच्या जयंती निमित्त २ ऑक्टोबर रोजी येथील मी लोणारकर टीमच्या सदस्यांनी धारतीर्थ आणि परिसरातील पर्यटनस्थळांची स्वच्छता करून श्रमदान केले.
शहरातील ऐतिहासिक व पर्यटकांच्या आकर्षणाचे केंद्र असलेल्या धारतीर्थ परिसरात महात्मा गांधी जयंतीच्या निमित्ताने स्वच्छता अभियान राबविण्यात आले. यावेळी आपल्या शहरातील सर्वच पर्यटन स्थळे स्वच्छ व सुंदर ठेवणे सर्वांचेच कर्तव्य असल्याचे मी लोणारकरचे सदस्य सचिन कापुरे यांनी सांगितले.
स्वच्छता परमोधर्म या प्रमाणे मी लोणारकर टीम चे सर्व सदस्य नेहमीच शहराच्या प्रत्येक भागात स्वच्छता मोहिम राबवितात. आजही कर्तव्य म्हणून मी लोनारकर टीमच्या सदस्यांनी धारेवरील ब्रम्हकुंडामधील गाळ काढून कुंडाची स्वच्छता केली. यावेळी मी लोणारकर टीमचे सदस्य सचिन कापुरे, विजय गोरे, किशोर आंबेकर, सुशील सोसे, डॉ. दयानंद ओहर, सह सर्व सदस्य उपस्थित होते.