स्वस्त धान्याचा ट्रक जप्त, दोघांना अटक

अमडापूर पोलीसांची कारवाई.

अमडापूर (जि. बुलडाणा) : अमडापूर जानेफळ रोडला लागून असलेल्या गोडावूनमधून रेशनचा तांदूळ, ज्वारी, ट्रकमध्ये गुजरातमध्ये घेऊन जात असताना उपविभागीय पोलीस अधिकारी यांच्या मार्गदर्शनाखाली ५ जुलै रोजी अमडापूर पोलिसांनी मालासह ट्रक जप्त करून दोन आरोपींना रंगेहात अटक केली. शासन रेशनच्या मालावर कडक धोरण राबवित असताना आता ग्रामीण भागातूनही रेशनचा माल काळ्या बाजारात जाण्याची घटना उघडकीस आली आहे. ५ जुलै रोजी सकाळी ३ वाजता उपविभागीय पोलीस अधिकारी समीर शेख यांच्या माहितीवरून अमडापूर-जानेफळ रोडला लागून असलेल्या काळे यांच्या गोडावूनमधून ट्रक (जी.जे. टी.टी. ९६९४) यामध्ये माल घेऊन जात असल्याच्या माहितीवरून अमडापूरचे ठाणेदार निशांत मेङ्म्राम व पोलीस स्टाफसह जाऊन ट्रकमध्ये रेशनचा तांदूळ २५१.५0 क्विंटल व २४ क्विंटल ज्वारी किंमत ८ लाख ५८ हजार ७५0 रुपयांचा माल ट्रकसह जप्त करून आरोपी योगेश ओमप्रकाश मिङ्म्रा रा. मेहकर, अब्बास दाऊद मांडपाणी रा. जामनगर गुजरात यांच्या विरुद्ध अप नं.३0२८ /0१५ कलम ३,७ जीवनावश्यक वस्तू कायद्यांतर्गत गुन्हा दाखल केला.