अमडापूर : शेतात काडी कचरा वेचणाऱ्या महिलेवर दाेघांनी अत्याचार केल्याची घटना ७ जुलै राेजी घडली. याप्रकरणी दाेन आराेपींविरुद्ध अमडापूर पाेलिसांनी रात्री उशिरा गुन्हा दाखल करण्यात आला आहे.
चिखली तालुक्यातील एका गावात महिला ७ जुलै राेजी शेतात काडी कचरा वेचत हाेती, यावेळी तेथे भानुदास भगवान शेजोळ, सुधाकर श्रीराम जोशी हे आले, त्यांनी पीडित महिलेला जीवे मारण्याची धमकी देऊन अत्याचार केला. तसेच याविषयी कुणाला सांगितल्यास जीवे मारण्याची धमकी दिली, यावेळी पीडित महिलेचा पती आणि सासरे शेतात आल्यानंतर महिलेने आरडाओरड केली, त्यानंतर दाेन्ही आराेपी घटनास्थळावरून पळून गेले.
याप्रकरणी महिलेने अमडापूर पाेलिसांत रात्री तक्रार दिली. त्यावरून पाेलिसांनी दाेन्ही आराेपींविरुद्ध विविध कलमान्वये गुन्हा दाखल करण्यात आला आहे, आराेपी पसार झाले असून पुढील तपास ठाणेदार सचिन पाटील यांच्या मार्गदर्शनाखाली दुय्यम ठाणेदार पांडुरंग शिंदे हे करीत आहेत.