आणखी ३६ ‘पॉझिटिव्ह’; १०८ रुग्णांची कोरोनावर मात

Buldhana CoronaVirus News एकूण कोरोनाबाधितांचा आकडा ११,४९२ झाला आहे.

 लोकमत न्यूज नेटवर्कबुलडाणा: प्रयोगशाळेत तपासणीसाठी पाठविलेल्या व रॅपिड टेस्ट किटद्वारे तपासलेल्या अहवालांपैकी ४१५ जणांचे अहवाल शनिवारी प्राप्त झाले. त्यापैकी ३७९ अहवाल निगेटिव्ह आले तर ३६ जणांचे अहवाल पॉझिटिव्ह आले. त्यामुळे जिल्ह्यातील एकूण कोरोनाबाधितांचा आकडा ११,४९२ झाला आहे. दरम्यान, आतापर्यंत ११,०५५ बाधितांनी कोरोनावर मात केली आहे.पॉझिटिव्ह आलेल्यांमध्ये बुलडाणा सहा, नांदुरा एक, सावखेड तेजन दोन, साखरखेर्डा एक, अकोला देव दोन, मलकापूर एक, सुनगाव जहागीर एक, शेगाव दोन, पिंप्री गवळी सहा, बोराखेडी एक, खामगाव एक, गणेशपूर दोन, देऊळगाव राजा एक, सुलतानपूर एक, मेहकर एक, पारखेड एक, बोरखेड धाड एक, वरखेडमधील पाच जणांचा समावेश आहे.  शनिवारी १०८ जणांनी कोरोनावर मात केली.  ७७ हजार ६६८ संदिग्धांचे अहवाल निगेटिव्ह आले.