३२८ उमेदवारांची मैदानी चाचणी

जिल्हा पोलिस दलातील पोलिस शिपायांच्या १७४ रिक्त पदांकरिताची पोलिस भरती प्रक्रिया ६ जूनपासून सकाळी ५ वाजेपासून चालू करण्यात आली.

बुलडाणा : जिल्हा पोलिस दलातील पोलिस शिपायांच्या १७४ रिक्त पदांकरिताची पोलिस भरती प्रक्रिया ६ जूनपासून सकाळी ५ वाजेपासून चालू करण्यात आली. यात ३२८ उमेदवारांची शारीरिक मैदानी चाचणी घेण्यात आली. या भरती प्रक्रियेसाठी ६४0 पुरुष उमेदवारांना शारीरिक मोजमाप, कागदपत्र तपासणी व मैदानी चाचण्याकरिता बोलाविण्यात आले होते. यापैकी ३२८ उमेदवार उपस्थित राहिले. यापैकी ८0 उमेदवार हे शारीरिक मोजमाप व कागदपत्र तपासणीमध्ये अपात्र ठरविण्यात आले. तर पात्र २४३ पुरुष उमेदवारांच्या ५ किलोमीटर स्पर्धा वगळता इतर चारही मैदानी चाचण्या आज पूर्ण करून घेण्यात आल्या. ५ किलोमीटर स्पर्धा ७ जून रोजी सकाळी ५.३0 ते ८ वाजेपर्यंत हनवतखेड मार्गावर घेण्यात आली. तसेच पुन्हा ६४0 पुरुष उमेदवारांना शारीरिक व मैदानी चाचण्याकरिता पोलिस मुख्यालय, बुलडाणा येथे बोलविण्यात आले. यावेळी उमेदवारांनी येताना सोबत ऑनलाईन प्रवेशपत्र, ऑनलाईन अर्जाची प्रत, फोटो, अधिवास प्रमाणपत्र व इतर सर्व कागदपत्रांच्या सत्य प्रतीसह पोलिस मुख्यालय, बुलडाणा येथे उपस्थित राहण्याचे आवाहन जिल्हा पोलिस अधीक्षक, बुलडाणा यांनी केले आहे. (प्रतिनिधी)