लोकमत न्यूज नेटवर्कनांदूरा : ज्यांनी आभाळाला भोकं पाडली तेच आता आभाळ फाटल्याची बोंब ठोकत आहेत, असा टोला मारत मुख्यमंत्री देवेंद्र फडणवीस यांनी कर्जमाफीच्या मुद्यावर विरोधकांचा चांगलाच समाचार घेतला. आमचे सरकार शेतकर्‍यांचे असून आतापयर्ंत जिल्ह्यातील १ लाख १६ हजार ८४५ शेतकर्‍यांच्या खात्यात ६६५ कोटी रुपये जमा झाल्याचे सांगून जिगाव प्रकल्पासह जिल्ह्याच्या इतिहासात एकाच दिवशी १0 हजार कोटी रुपयांच्या विकास कामांना प्रारंभ होत असल्याचे सांगत जिगाव प्रकल्पासह ८ लघु प्रकल्पाच्या कामाचा शुभारंभ त्यांनी केला.
तीन पिढ्या रस्त्यात खड्डे पडणार नाही : नितीन गडकरी ३१ ऑक्टोबर रोजी केलेल्या कामाचा शुभारंभ झाला होता ही कामे आज पुर्णत्वास येत आहेत. नांदुरा, शेगाव, संग्रामपूर, खामगाव आदी तालुक्यातील रस्ते, पूलाचे काम सुरु झाले आहे. खामगाव, नांदुरा, जळगाव आदी शहरातील रस्त्यासाठी निधी उपलब्ध करून दिला आहे. तीन पिढ्या रस्त्यात खड्डे पडणार नाही असे १00 टक्के गुणवत्ता असलेले रस्ते आम्ही देवू अशी ग्वाही गडकरी यांनी दिली.
२२ हजार कोटी रुपये शेतकर्‍याच्या खात्यात : कृषी मंत्री भाऊसाहेब फुंडकर राज्यातील २२ हजार कोटी रुपये शेतकर्‍याच्या खात्यात पैसे जमा झाले आहेत. जिल्हयातील शेतकर्‍यांना प्राधान्य देत ६६५ कोटी रुपयाची कर्जमाफी दिली आहे. त्यामुळे कुणीही दिशाभूल करू नका असा इशारा कृषीमंत्री तथा जिल्ह्याचे पालकमंत्री भाऊसाहेब फुंडकर यांनी लगावला.