तंमुस अध्यक्ष पदाकरिता निवडणूक

तंटामुक्त समितीच्या अध्यक्ष पदाकरीता आज दुपारपासून मतदान प्रक्रिया सुरू करण्यात आली. गावातील दोन हजार युवक-युवतीनी

२००० मतदारांचा सहभाग : पोलीस बंदोबस्तात झाले मतदानवरठी : तंटामुक्त समितीच्या अध्यक्ष पदाकरीता आज दुपारपासून मतदान प्रक्रिया सुरू करण्यात आली. गावातील दोन हजार युवक-युवतीनी महिला-पुरूषानी यात उत्स्फुर्त सहभाग घेतल्यामुळे या निवडणुकीला असाधारण महत्व प्राप्त झाले. रिंगणात ९ उमेदवार असून रात्री उशिरापर्यंत मतदान आणि मतमोजणी प्रक्रिया सुरू राहील, असे चित्र पहावयास मिळाले. पोलिसांचा चोख बंदोबस्त आणि पदाधिकाऱ्याची धावपळ अशा तणावपुर्ण वातावरणात निवडणूक प्रक्रिया सुरू होती.ग्रामपंचायत वरठी येथे आज ८ सप्टेंबरला विशेष ग्रामसभेचे आयोजन करण्यात आले होते. सरपंच संजय मिरासे यांच्या अध्यक्षतेत ग्रामसभा सुरू झाली. तंटामुक्त समिती निवड विषय येताच हुल्लडबाजी सुरू झाली. इच्छुक उमेदवार व त्यांच्या समर्थकांच्या घोषणाबाजीमुळे निवड प्रक्रिया मतदान स्वरूपात घेण्याचे ठरविण्यात आले. अध्यक्ष पदाकरिता ९ उमेदवारानी अर्ज दाखल केले. यात विद्यमान अध्यक्ष अश्विन मेश्राम, माजी अध्यक्ष सुरजभान चव्हाण, मनिष मेश्राम, सावन दमाहे, प्रविण सुखदेवे, अनिल पांडे, मुकेश कोहपरकर, मिलिंद धारगावे व राजन बागडे यांचा समावेश होता. रात्री उशिरापर्यंत मतदान प्रक्रिया सुरूच होती. (वार्ताहर)निवडणुकीला सार्वजनिक स्वरूपप्रथमच वरठी येथे तंटामुक्त समितीच्या निवडणुकीत मोठ्या प्रमाणात लोकांचा सहभाग हा सार्वत्रिक निवडणूक प्रमाणे होता. घराघरातून मतदानाला आणण्यासाठी चार चाकी वाहने कामाला लागली होती. प्रत्येक उमेदवार ताकदीने कामाला लागला होता. त्याचे कुटूंबिय नमस्कार चमत्कार आणि आवभगत करण्याबरोबर भेटी गाठी करण्यात व्यस्त दिसत होते.ग्रामपंचायतने केली होती जय्यत तयारीतंटामुक्त गाव समितीच्या अध्यक्ष पदाची निवडणूक होणार होती. कोरमअभावी तहकुब होणाऱ्या सभेत लोकांची गर्दी होणार यासाठी ग्रामपंचायतच्यावतीने शामियाना आणि ध्वनीक्षेपक यंत्रांसह मतदानाची जय्यत तयारी केली होती.पोलिसांचा चोख बंदोबस्तवरठी हे गाव संवेदनशिल असल्यामुळे उपनिरीक्षक गणेश खंडाते, उपनिरीक्षक करांडे यांच्यासह १५ पोलीस कर्मचारी तैनात होते. बंदोबस्ताकरीता भंडारा येथून कर्मचारी तैनात होते. बंदोबस्तामुळे मतदान शांततेत सुरू होते.