लाखनी येथे पोलीस विभागातर्फे रेझिंग डे

पोलीस बँड पथकाद्वारे विद्यार्थ्यांसमोर राष्ट्रभक्ती जागृत करणारी विविध देशभक्तिपर गीते याप्रसंगी पोलीसांनी सादर केली. यावेळी वाहतूक पोलीस निरीक्षकांनी रस्ता सुरक्षेबाबत विद्यार्थ्यांना माहिती व प्रात्यक्षिक दाखवून सर्वांनी वाहतूक नियम पाळण्यासाठी शपथ देण्यात आली. संचालन रोहन पाल यांनी तर आभार उमेश शिवणकर यांनी मानले.

ठळक मुद्देसंडे अँकर । देशभक्तीपर गीतातून जागविल्या आठवणी , विद्यार्थ्यांना मोबाईलचा दुरुपयोग टाळण्याचे आवाहन

लोकमत न्यूज नेटवर्कलाखनी : लाखनी पोलीस स्टेशन आणि समर्थ विद्यालयाच्या संयुक्त विद्यमाने लाखनी पोलीस ठाण्यात पोलीस स्थापना दिवस सप्ताहानिमित्त रेझिंग डे या कार्यक्रमाचे आयोजन करण्यात आले होते.अध्यक्षस्थानी पोलीस निरीक्षक दामदेव मंडलवार होते. प्रमुख पाहुणे म्हणून विजय हेमणे, नरेंद्र मुरकुटे, पोलीस नायक उमेश शिवणकर, अजिंक्य भांडारकर, भारती गुरूनानी उपस्थित होते. रेझिंग डेच्या निमित्ताने गुन्हे विभाग, महिला संरक्षण विभाग, गोपनीय कामकाज, गुन्हे शाखा माहिती, शस्त्र विभाग महिला व पुरुष बंदी गृह, गोपनीय विभाग आणि पोलीस विभागातून होणाऱ्या अनेक कामकाजासंदर्भात पोलीस निरीक्षक मंडलवार यांनी विद्यार्थ्यांना पुरेपूर प्रात्यक्षिकातून मार्गदर्शन केले.विद्यार्थ्यांना विजय राऊत यांनी दारुगोळा बंदुका आणि त्यांचा प्रशासनामध्ये कसा उपयोग केला जातो याच्या संदर्भात प्रत्यक्ष बंदुका दाखवून विद्यार्थ्यांना पोलीसांचे कामकाज समजावून सांगितले. पोलीस सहाय्यक विजय हेमने यांनी विद्यार्थ्यांना मोबाईलच्या अतिवापराने होणारे दुरुपयोग आणि त्यातून होणारे नकळत गुन्हे याबाबत विद्यार्थ्यांना मार्गदर्शन करीत असताना विद्यार्थ्यांशी प्रश्नोत्तराव्दारे संवाद साधला. रेझिंग डे निमित्ताने पोलीस आणि विद्यार्थ्यांमधील संवाद अधिक दृढ झाला.पोलीस बँड पथकाद्वारे विद्यार्थ्यांसमोर राष्ट्रभक्ती जागृत करणारी विविध देशभक्तिपर गीते याप्रसंगी पोलीसांनी सादर केली. यावेळी वाहतूक पोलीस निरीक्षकांनी रस्ता सुरक्षेबाबत विद्यार्थ्यांना माहिती व प्रात्यक्षिक दाखवून सर्वांनी वाहतूक नियम पाळण्यासाठी शपथ देण्यात आली. संचालन रोहन पाल यांनी तर आभार उमेश शिवणकर यांनी मानले.विद्यार्थ्यांना राष्ट्रभक्तीचे धडेरेझिंग डे कार्यक्रमातून विद्यार्थ्यांना बालवयात देशाबद्दल असलेला अभिमान तसेच बालवयापासून विविध कर्तव्य पार पाडत असताना देशासाठी कर्तव्य निभावण्याचे तसेच विविध राष्ट्रभक्तीपर गीतातून राष्ट्रभक्तीचे धडे देण्यात आले. यावेळी शहीद झालेल्या जवानांचे दाखले देत भविष्यात विद्यार्थ्यांनी कोणत्याही क्षेत्रातून देशासाठी नाव कमाविण्याचे आवाहन पोलीस अधिकाऱ्यांनी विद्यार्थ्यांना कार्यक्रमातून केले.