पालोरा येथे सत्कार कार्यक्रम

पालोरा (चौ.) : येथे ग्रामपंचायत कार्यालयात वृक्षारोपण दिनाचा कार्यक्रम घेण्यात आला. पोलीस स्टेशन अद्याळ येथील बीट जमादार मस्के, सहकारी हर्षा मांढरे यांनी कोरोना काळामध्ये गावात सुव्यवस्था व शांतता टिकून राहावी व मदतीचा हात देऊन सहकार्य केले. त्याबद्दल कार्यक्रमाचे औचित्य साधून पालोरा येथील सरपंच अनिता गिऱ्हेपुंजे यांनी शाल, श्रीफळ देऊन सत्कार केला, तसेच गावामध्ये शंभर टक्के लसीकरण व्हावे यासाठी मदत करणारे व वेळोवेळी लसीकरण शिबिर लावून गावात लसीकरणाबाबत जनजागृती केली. त्याबद्दल परिचारिका डोंग यांचा शाल, श्रीफळ देऊन ग्रा. पं. सदस्य देवानंद खोपे यांनी सत्कार केला. गावातील पोलीस पाटील श्रीहरी गिऱ्हेपुंजे व ग्रामसेवक होमेश्वर लंजे यांचासुद्धा सत्कार करण्यात आला. गावातील स्मशानभूमी परिसरात शंभर झाडे लावून वृक्षारोपण करण्यात आले.