सर्वच कार्डधारकांना नि:शुल्क राशन द्या

जिल्ह्यात दोन लाख ६७ हजार ६८८ कार्डधारकांची ऑनलाईन नोंदणी झालेली आहे. या कार्डधारकांना सरकारकडून मिळणाºया राशनास कोणतीही अडचण येत नाही. मात्र अद्यापही ऑनलाईन नोंदणी न झालेले ४३ हजार ६८८ शिधापत्रिकाधारक आजही प्रतीक्षेत आहेत. त्यामुळे अशा शिधापत्रिकाधारकांना शासनाकडून अन्नधान्य मिळत नसल्याने त्यांच्या कुटुंबियांची उपासमार होत आहे.

ठळक मुद्देनरेंद्र भोंडेकर : अन्न व नागरी पुरवठा मंत्र्यांना दिले निवेदन

लोकमत न्यूज नेटवर्कभंडारा : जिल्ह्यात ऑनलाईन नोंदणी न झालेल्या कार्डधारकांना अन्नधान्य मिळत नसल्याने शेकडो कुटुंबियावर उपासमारीची वेळ आली आहे. त्यामुळे शासनाने ऑनलाईन, ऑफलाईन असा भेदभाव न करता सर्व शिधापत्रिकाधारकांना नि:शुल्क अन्नधान्याचे वितरण करण्यात यावे, अशी मागणी आमदार नरेंद्र भोंडेकर यांनी केली आहे.राज्याचे अन्न व नागरी पुरवठा मंत्री छगन भुजबळ यांना या मागणीचे निवेदन जिल्हा पुरवठा अधिकाऱ्यांमार्फत पाठविले आहे. जिल्हा पुरवठा अधिकाऱ्यांना निवेदन देताना शिवसेना तालुका प्रमुख अनिल गायधने उपस्थित होते.जिल्ह्यात दोन लाख ६७ हजार ६८८ कार्डधारकांची ऑनलाईन नोंदणी झालेली आहे. या कार्डधारकांना सरकारकडून मिळणाऱ्या राशनास कोणतीही अडचण येत नाही. मात्र अद्यापही ऑनलाईन नोंदणी न झालेले ४३ हजार ६८८ शिधापत्रिकाधारक आजही प्रतीक्षेत आहेत. त्यामुळे अशा शिधापत्रिकाधारकांना शासनाकडून अन्नधान्य मिळत नसल्याने त्यांच्या कुटुंबियांची उपासमार होत आहे. कोरोनाच्या संकट काळात सर्वांना अन्नधान्याचा पुरवठा व्हावा यासाठी सरकार प्रयत्न करीत आहे. पंतप्रधान, मुख्यमंत्री यासाठी परिश्रम घेत आहेत. मात्र गरीब, गरजु असणाºया परंतु ऑनलाईन नोंदणी न करू शकलेल्या कुटुंबियांसाठी शासनाने पुढाकार घेत सर्वांनाच नि:शुल्क अन्नधान्याचे वाटप करावे, असे निवेदनातून सांगितले आहे.जिल्ह्यात नियम शिथिल करून अन्नधान्यापासून कोणीही वंचित राहणार नाही. तसेच स्वस्त धान्य दुकानदारांकडून सामान्य जनतेची पिळवणूक होणार नाही यासाठी विशेष दक्षता घेण्याचे आवाहनदेखील आमदार नरेंद्र भोंडेकर यांनी निवेदनातून केले आहे.