माझी वसुंधरा अभियानांतर्गत विविध स्पर्धांचे आयोजन

२१ जानेवारी रोजी आयोजित भित्तीचित्र स्पर्धेत ओला व सुका कचरा वर्गीकरण, स्वच्छ लाखांदूर सुंदर लाखांदूर , सेनो टू प्लास्टिक, कोविड-१९ व स्वच्छता व माझी वसुंधरा (जमीन, पाणी, आकाश, वायू, अग्नी) आदी विषयांवर भित्तीचित्र काढले जाणार आहेत. स्पर्धेत सहभागी स्पर्धकांना स्वत:च्याच साहित्याचा वापर करावयाचा आहे. या स्पर्धेतील विजेत्या स्पर्धकांना प्रथम क्रमांकाचे दोन हजार, द्वितीय बक्षीस पंधराशे रुपये व तृतीय क्रमांकासाठी एक हजार रुपये याप्रमाणे रोख पारितोषिक व प्रमाणपत्र दिले जाणार आहे. २२ जानेवारी रोजी आयोजित टाकाऊपासून टिकाऊ स्पर्धेत प्लास्टिक पुनर्वापर, पेपर व पुठ्ठा आदी टिकाऊ वस्तू निर्माण करणे अपेक्षित आहे. या स्पर्धेतदेखील प्रथम क्रमांकाला पंधराशे रुपये, द्वितीय क्रमांकाला एक हजार रुपये तर तृतीय क्रमांकाला पाचशे रुपये व प्रमाणपत्र अशी पारितोषिके दिली जाणार आहेेत. स्पर्धकांना या स्पर्धेत सहभागी होण्याचे आवाहन येथील लाखांदूर नगर पंचायतचे मुख्याधिकारी डॉ. सौरभ कावळे यांनी केले आहे.