‘सूर रायझिंग स्टार’ मधून मिळणार प्रतिभावान गायकांना संधी

आपल्या प्रत्येकामध्ये कोणते ना कोणते टॅलेंट असते. अनेक कारणास्तव त्याला संधी मिळत नाही.

ठळक मुद्देकलर्स-लोकमत समूह उपक्रम : प्राथमिक फेरी १८ जानेवारीपासून

लोकमत न्यूज नेटवर्कभंडारा : आपल्या प्रत्येकामध्ये कोणते ना कोणते टॅलेंट असते. अनेक कारणास्तव त्याला संधी मिळत नाही. आर्थिक, कौटुंबिक, तर कधी व्यासपीठच न मिळाल्यामुळे अनेक कलावंत समाजासमोर येतच नाहीत. हीबाब लक्षात घेऊन जनसामान्यांतील सुप्त गुणांना वाव देऊन त्यांच्या कलाकौशल्य प्रतिभेला नवे पंख देण्यासाठी लोकमत समूह नेहमीच आघाडीवर असतो. विविध कार्यक्रम, स्पर्धा, टॅलेंट शो आयोजित करून या ‘उद्या’च्या सुपरस्टार्सना प्रकाशझोतात आणले जाते.सुरांचे देणं लाभलेल्या प्रतिभावान गायकांना एक नव्या उंचीवर घेऊन जाण्यासाठी लोकमत आणि कलर्स वाहिनी आगळा-वेगळे व्यासपीठ उपलब्ध करून देणार आहे. ‘सूर रायझिंग स्टार’चे असे त्याचे नाव. कलर्स व लोकमतद्वारे आयोजित ही गायन स्पर्धा २० जानेवारी रोजी दुपारी २ वाजता अखिल सभागृह जिल्हा परिषद चौकच्या मागे गणेशपूर भंडारा येथे होणार आहे. यामध्ये ४ वर्षांपुढील मुले-मुली, स्त्री-पुरुष सहभागी होऊ शकतात.विशेष म्हणजे या प्रयत्नांना यंदा साथ मिळाली आहे, ती कलर्स वाहिनीची. मनोरंजनाच्या दुनियेत एकापेक्षा एक सरस कार्यक्रमांची निर्मिती करून छोट्या पडद्यावरील प्रेक्षकांच्या घराघरांमध्ये कलर्सने बोलबाला निर्माण केला आहे. शुद्ध, कौटुंबिक, संस्कारक्षम कार्यक्रमातून प्रेक्षकांचे मनोरंजन करण्यासोबत सामाजिक बांधिलकीचेही अनेक उपक्रम राबविले जातात. सदर होणाºया स्पर्धेची प्राथमिक फेरी १८ जानेवारी रोजी दुपारी ४ वाजता भंडारा पॅरामेडीकल कॉलेज (राजीव गांधी चौक युनियन बँकेच्या मागे) येथे होईल. प्राथमिक फेरीतील निवडक १५ स्पर्धकांची अंतिम फेरीसाठी निवड करण्यात येईल. स्पर्धेच्या नाव नोंदणीसाठी ८०८७१६२३५२ या क्रमांकावर सकळी ११ ते सायंकाळी ५ वाजेदरम्यान संपर्क करावा.लाइव्ह रिअ‍ॅलिटी शोचे ‘रायझिंग स्टार’‘रायझिंग स्टार’च्या निमित्ताने कलर्स वाहिनी घेऊन येत आहे, भारतातील पहिल्या लाइव्ह रिअ‍ॅलिटी शोचे दुसरे पर्व, ज्याद्वारे मोडल्या जाणार विचारांच्या चौकटी. आता तुम्ही म्हणाल, की विचारांची चौकट म्हणजे काय? समाजाने आपल्याभोवती अशा काही चौकटी निर्माण केल्या आहेत, ज्या आपल्या विकासाला मारक ठरतात. भाषा, जात, आर्थिक स्थिती, धर्म अशा विविध चौकटींची आज काहीही गरज नाही. अशा चौकटींचे बंधने झुगारून आपले टॅलेंट जगासमोर आणणाऱ्या गायकांना या चौकटी मोडण्यास मदत म्हणून या शोच्या माध्यमातून तुम्ही देशाच्या कोणत्याही कानाकोपऱ्यांतून लाइव्ह व्होटिंग करू शकता. यामध्ये साथीला आहेत भारतातील तीन सुप्रसिद्ध महारथी परीक्षक गायक व संगीतकार शंकर महादेव, गायिका मोनाली ठाकूर आणि अभिनेता व गायक दिलजित दोसांज. परंतु खरे परीक्षक तर कलर्स वाहिनी पाहणारे देशातील १३० कोटी भारतीयच असणार आहेत. तर मग या सिझनमध्ये केवळ विचारांच्या चौकटीच नाही मोडल्या जाणार, तर देशातील प्रतिभावान गायकांचे नशीबही बदलणार आहे. कलर्स वाहिनीवर २० जानेवारीपासून दर शनिवार-रविवारी रात्री ९ वाजता सुरू होत आहे देशातील एकमेव लाइव्ह सिंगिंग रिअ‍ॅलिटी शो ‘रायझिंग स्टार’.