भंडारात बाधितांची संख्या दोन हजार पार

भंडारा जिल्हा सुरुवातीला कोरोना मुक्त होता. २७ एप्रिल रोजी भंडारा तालुक्यातील गराडा येथील एक महिला पॉझिटिव्ह आढळली आणि कोरोनाचा जिल्ह्यात शिरकाव झाला. ऑगस्ट महिन्यापासून रुग्णांच्या संख्येत वेगाने वाढ होत आहे. त्यातही जिल्हा मुख्यालय असलेल्या भंडारा शहरात आणि तालुक्यात कोरोनाग्रस्तांची संख्या वेगाने वाढत आहे. आतापर्यंत भंडारा तालुक्यात २०१३ पॉझिटिव्ह आढळून आले असून त्यात भंडारा शहरातील १४७७ व्यक्तींचा समावेश आहे.

ठळक मुद्देशहरात १४७७ तर ग्रामीणमध्ये ५३६ रुग्ण : सप्टेंबर महिन्याच्या २० दिवसात १४६४ कोरोना रुग्णांची भंडारा तालुक्यात नोंद

लोकमत न्यूज नेटवर्कभंडारा : जिल्ह्यात कोरोना रुग्णांची संख्या वेगाने वाढत असतांना सर्वाधिक रुग्ण भंडारा तालुक्यात आढळून आले आहेत. जिल्ह्यात आतापर्यंत ३८७२ बाधितांची नोंद झाली असून त्यात २०१३ रुग्ण एकट्या भंडारा तालुक्यातील आहेत. त्यातही सर्वाधिक १४७७ रुग्ण भंडारा शहरातील आहेत. प्रशासनाच्यावतीने विविध उपाययोजना केल्या जात असल्यातरी रुग्णांची वाढती चिंता सर्वांसाठी चिंतेचा विषय झाली आहे.भंडारा जिल्हा सुरुवातीला कोरोना मुक्त होता. २७ एप्रिल रोजी भंडारा तालुक्यातील गराडा येथील एक महिला पॉझिटिव्ह आढळली आणि कोरोनाचा जिल्ह्यात शिरकाव झाला. ऑगस्ट महिन्यापासून रुग्णांच्या संख्येत वेगाने वाढ होत आहे. त्यातही जिल्हा मुख्यालय असलेल्या भंडारा शहरात आणि तालुक्यात कोरोनाग्रस्तांची संख्या वेगाने वाढत आहे. आतापर्यंत भंडारा तालुक्यात २०१३ पॉझिटिव्ह आढळून आले असून त्यात भंडारा शहरातील १४७७ व्यक्तींचा समावेश आहे. तर ग्रामीण भागातील ५३६ रुग्णांचा समावेश आहे. शहरात कोरोना संसर्ग टाळण्यासाठी जनता कर्फ्यूसह प्रशासन विविध उपाययोजना करीत आहे. मात्र त्यानंतरही नागरिक नियमांना बगल देत जणू आपल्याला संसर्ग होणार नाही अशाच भ्रमात शहरभर भटकंती करताना दिसत आहे. कोरोना बाधितांसोबतच मृतांचा आकडाही भंडारा तालुक्यात अधिक आहे.गत आठवड्यात पालिका प्रशासनातर्फे तीन दिवसीय जनता कर्फ्यू घोषित करण्यात येवून व्यापारी प्रतिष्ठाने कडकडीत बंद ठेवण्यात आली होती. मात्र त्यानंतरही कोरोना रुग्णांच्या संख्येत सातत्याने वाढ होत आहे. त्यामुळे येणाऱ्या दिवसात प्रशासन कठोर पावले उचलणार काय? अशी चर्चा ही शहरात ऐकावयास मिळत आहे.भंडारा तालुक्यात सप्टेंबर महिन्यात १४६४ व्यक्ती पॉझिटिव्ह आढळून आले आहेत. दररोज सरासरी ५० च्या वर रुग्ण निघत आहेत. वाढत्या रुग्णसंख्येने प्रशासनात चिंतेचे वातावरण पसरले आहे.भंडारा तालुक्यात ५४ बळीजिल्ह्यात मृतांची संख्या ८४ वर पोहोचली असतांना एकट्या भंडारा तालुक्यात आतापर्यंत कोरोनाने ५४ जणांचा बळी गेला.बाजारात गर्दीरविवारी व्यापारी प्रतिष्ठाने बंद असली तरी भाजीपाला दुकाने सुरु होती. परिणामी भाजी खरेदीसाठी नागरिकांची गर्दी दिसून आली.लाखांदूरात सर्वात कमी रुग्णजिल्ह्यात सर्वात कमी रुग्ण लाखांदूर तालुक्यात आढळून आले आहेत. येथे केवळ १६५ बाधितांची नोंद करण्यात आली.