१०६ वर्षांच्या नागभीड पॅसेंजरला अखेरचा निरोप

नॅरोगेज असलेल्या या रेल्वे मार्गाच्या विस्तारीकरणाला सुरुवात होणार असून १ डिसेंबर पासून हे काम हाती घेण्यात येणार असल्याची माहिती प्रशासनाने दिली आहे. तत्पूर्वी ही मीनी पॅसेंजर बंद करण्याचा रेल्वे विभागाकडून निर्णय घेण्यात आला आहे. रविवारी या पॅसेंजरची शेवटची फेरी होती. १९९३ पासून ही गाडी नॅरोगेज रेल्वे मार्गावरून अखंडपणे धावत होती.

ठळक मुद्देरेल्वे मार्गाचे विस्तारीकरण : शेवटच्या दिवशी अनेकांनी केला प्रवास

लोकमत न्यूज नेटवर्कपवनी : तब्बल १०६ वर्षापासून प्रवाशांसाठी अखंडपणे सेवा देणाऱ्या नागपूर नागभीड मिनी पॅसेंजर यापुढे या मार्गावरून धावणार नसल्याने शेवटच्या दिवशी तिला प्रवाशांनी भावपूर्ण अखेरचा निरोप दिला.नॅरोगेज असलेल्या या रेल्वे मार्गाच्या विस्तारीकरणाला सुरुवात होणार असून १ डिसेंबर पासून हे काम हाती घेण्यात येणार असल्याची माहिती प्रशासनाने दिली आहे. तत्पूर्वी ही मीनी पॅसेंजर बंद करण्याचा रेल्वे विभागाकडून निर्णय घेण्यात आला आहे. रविवारी या पॅसेंजरची शेवटची फेरी होती. १९९३ पासून ही गाडी नॅरोगेज रेल्वे मार्गावरून अखंडपणे धावत होती.नागपूर ते नागभिड पर्यंतच्या गावांसाठी ही गाडी अत्यंत सोयीस्कर होती. त्यामुळे शेतकरी, शेतमजूर, व्यापारी, विद्यार्थी नोकरवर्गातील प्रवाशी सुद्धा याच गाडीने आवडीने प्रवास करीत होते. १९५२ पासून रेल्वेमार्ग ब्रॉडगेज करण्यासाठी मागणी सुरु होती. या मागणीचा पाठपुरावा झाला मात्र अपेक्षित पाठपुराव्याअभावी ही मागणी अर्धवट राहिली. तत्कालीन रेल्वे मंत्री ममता बॅनर्जी यांच्या कार्यकाळात १०६.१५ किमी लांबीच्या नॅरोगेज मार्गांना ब्रॉडगेड करण्याची परवानगी देण्यात आली होती. ही गाडी बंद झाल्याने अनेक प्रवाशांनी गाडीच्या अखेरच्या दिवशी भावपूर्ण जड अंत:करणाने निरोप दिला.अर्थसंकल्पात तरतूदतत्कालीन रेल्वे मंत्र्यांच्या कार्यकाळात या गाडीला ब्रॉडगेज करण्याची परवानगी मिळाल्यानंतर अर्थसंकल्पात त्यासाठी तरतूद केली नव्हती. परंतु या मार्गासाठी अंदाजे ७०८.११कोटी रुपयांचा खर्च अपेक्षित असून यातील निम्मा वाटा राज्य सरकार उचलणार असल्याचे कळते. ९२२ कोटी रुपयांच्या निधीतून १०६.१५ किमी विस्तारीकरणाला आता येत्या १ डिसेंबर पासून प्रारंभ होण्याची शक्यता आहे. विस्तारीकरणानंतर नागभिड मार्ग हा चंद्रपूर मार्गे वडसा गडचिरोली सोबतच मुंबई नागपूर गोंदिया कोलकाता तर दुसरीकडे चंद्रपूर मार्गे हैद्राबादला जोडला जाणार आहे.