जातीपातीचा भ्रम सोडून गुणीजणांचा सन्मान करा

मोहाडी तालुक्यातील जांभोरा येथे ग्रामवासीयांच्या सहकार्याने ग्रामपंचायत कार्यालयासमोरील सार्वजनिक रंगमंच गांधी चौक पटांगणावर २७ जानेवारी पासून श्रीमद् भागवत संगितमय शिवपुराण व ग्रामगीता प्रणित ज्ञान यज्ञ सप्ताह सुरु आहे. या सप्ताहानिमित्त दररोज धार्मिक कार्यक्रम सुरु आहेत. अशाच एका प्रवचन कार्यक्रमात भाविकांना संबोधित करताना बावणे महाराज बोलत होते.

ठळक मुद्देसंडे अँकर । हेमदास बावणे महाराज, जांभोरा येथे श्रीमद् भागवत शिवपुराण व ग्रामगीता सप्ताह

लोकमत न्यूज नेटवर्ककरडी (पालोरा) : अस्ताव्यस्त तारांबळ, उधळपट्टी आणि धावपळ! यासी म्हणावे कार्य अमंगल, खर्च निष्फळ पैशाचा! लग्नाकरिता कर्ज करावे, जन्मभरी व्याज भरीत जावे! लग्नासाठी कफल्लक व्हावे, कोण्या देवे सांगितले! वेळ पैसा आणि श्रम वाचवावेत करोनी नेम! गुणांस द्यावे महत्व परम्, जाती-धन-भ्रम सोडोनी! या ग्रामगीतेच्या वचनातून राष्ट्रसंत तुकडोजी महाराज यांनी माणुसकीचा धर्म शिकविला आहे. त्यामुळे ग्रामवासीयांनी जाती व धनसंपदेचा भ्रम सोडून गुणीजनांच्या सन्मानाला महत्व दिले पाहिजे, असे प्रवचन पिंपळगाव (निपानी) येथील हरिभक्त पारायण हेमदास बावणे महाराज यांनी केले.मोहाडी तालुक्यातील जांभोरा येथे ग्रामवासीयांच्या सहकार्याने ग्रामपंचायत कार्यालयासमोरील सार्वजनिक रंगमंच गांधी चौक पटांगणावर २७ जानेवारी पासून श्रीमद् भागवत संगितमय शिवपुराण व ग्रामगीता प्रणित ज्ञान यज्ञ सप्ताह सुरु आहे. या सप्ताहानिमित्त दररोज धार्मिक कार्यक्रम सुरु आहेत. अशाच एका प्रवचन कार्यक्रमात भाविकांना संबोधित करताना बावणे महाराज बोलत होते.भागवत सप्ताहानिमित्त जांभोरा गावाला सजविण्यात आले. घरोघरी रांगोळ्या घातल्या जावून प्रभातफेरी, सामुदायिक ध्यान, कथा, प्रवचन, सामुदायिक प्रार्थना, हरिपाठ आदी कार्यक्रामची रेलचेल आहे. प्रवचनाला महिलांबरोबर पुरुषांची लक्षणीय उपस्थित असते. या सप्ताहाचा समारोप २ फेब्रुवारी रोजी होणार आहे.प्रवचनाला मिळालेला सहभागप्रवचनासाठी बावणे महाराज यांना तालसुराची साथ गायक प्रभुदास दिवटे, दुधराम भोयर बल्लापूर, आरगन वादक राजू पेंदारेकर आवळगाव, हारमोनियम एक्टोपॅड राधेश्याम दोनारकर, तबलावादक विलास दिवटे बल्लारपूर, नाल वादक निमणभाऊ सलामे खांबाडा यांची साथ मिळाली. तर हरिपाठासाठी हभप सोनवाने महाराज बारव्हा यांची साथ लाभत आहे. मिळालेला सहभाग भाविकांना मंत्रमुग्ध करीत आहे.आज विवाह सोहळा व समारोपमोहाडी तालुक्यातील जांभोरा येथे ग्रामवासीयांच्या सहकार्याने ग्रामपंचायत कार्यालयासमोरील सार्वजनिक रंगमंच गांधी चौक पटांगणावर सप्ताहाचा समारोप २ फेब्रुवारी रोजी होणार आहे. यापूर्वी दुपारी गोपालकाला कीर्तन व महाप्रसादाचे वितरण होईल. त्यानंतर दुपारी ३.२५ वाजता विवाह सोहळा पार पडेल. या विवाह सोहळ्यात दोन जोडपी विवाह बंधनात अडकणार आहेत.