अड्याळ येथील प्रसिद्ध घोडायात्रा रद्द

कोरोना व्हायरसचा प्रसार होऊ नये यासाठी जिल्हास्तरावर जे काही निर्णय घेण्यात आले त्याला पाठिंबा देत अडयाळ ग्रामस्थांनी यावर्षी यात्रेदरम्यान होणाऱ्या सर्व कार्यक्रमाला स्थगित केल्या ची माहिती हनुमंत देवस्थान कमेटी चे अध्यक्ष भास्करराव पोटवार यांनी दिली आहे .

ठळक मुद्देकोरोनाचा संसर्ग टाळण्यासाठी दक्षता : हनुमंत देवस्थान कमिटीचा निर्णय

विशाल रणदिवे।लोकमत न्यूज नेटवर्कअड्याळ : येथे दरवर्षी प्रमाणे यावर्षी सुध्दा चैत्र नवरात्र,मनोकामना पुर्ती ज्योती कलश स्थापना, श्रीराम जन्मोत्सव, श्रीबालाजी रथयात्रा (घोडायात्रा) श्रीमद भागवत सप्ताह, हनुमंत जन्मोत्सव, सर्वधर्म सामूहिक विवाह सोहळा व महाप्रसादाचे आयोजन हनुमंत देवस्थान व भागवत कमेटी तथा अडयाळ ग्रामस्थांनी केले होते. परंतू कोरोना व्हायरसचा प्रसार होऊ नये यासाठी जिल्हास्तरावर जे काही निर्णय घेण्यात आले त्याला पाठिंबा देत अडयाळ ग्रामस्थांनी यावर्षी यात्रेदरम्यान होणाऱ्या सर्व कार्यक्रमाला स्थगित केल्या ची माहिती हनुमंत देवस्थान कमेटी चे अध्यक्ष भास्करराव पोटवार यांनी दिली आहे .भंडारा जिल्ह्यात एकही कोरोना व्हायरसचा रुग्ण आता पावेतो मिळाला नसला तरी त्या विषयी निष्काळजी करणे हे केव्हाही घातक ठरू शकते त्यामुळे आता सतत जागरूक राहणे हेच काळाची गरज आहे. कोरोना व्हायरसची भीती आता ग्रामीण भागातही पोहचली आहे .गर्दी टाळण्यासाठी व कोरोना विषाणूचा प्रतिबंध रोखण्यासाठी भंडारा जिल्ह्यातील दारू दुकानासह फुड स्ट्रीट बंद करण्याचे आदेश जिल्हाधिकारी यांनी दिले ही बंदी ३१ मार्च पर्यंत राहणार आहे. जिल्ह्यातील सर्व बिअर शॉपी, वाईन शॉप, परमिट रूम बार अँड रेस्टॉरंट, देशी विदेशी दारूचे दुकान, सर्व क्लब, पान खर्रा ठेले तसेच रस्त्यावरील खाद्यपदार्थ विकणाºया टपऱ्यांचा समावेश आहे तसेच शाळा, महाविद्यालय, आठवडी बाजार बंद करण्याचा निर्णय प्रशासनाने घेतला आहे. अड्याळ ग्रामवासी यांना अड्याळ ग्रामीण रुग्णालय तथा आरोग्य विभाग अधिकारी कर्मचारी यांकडून कोरोना व्हायरस विषयीची तथा त्यावरील उपाय योजनेची माहिती मिळत असली तरी त्यांवर मोठ्या प्रमाणात अंमलबजावणी करताना नागरिक दिसून येत आहेत,परंतु अडयाळ येथील प्रसिद्ध घोडायात्रे निमित्ताने महाराष्ट्र तथा बाहेर राज्यातील भाविक मोठ्या संख्येने येत असतात अशा वेळी कोण कुठून येणार याचा नेम नसतो. कार्यक्रमात हजारोच्या संख्येने भाविक सहभागी होतात. यावर लक्ष केंद्रित करणारी यंत्रणा नसल्याने खबरदारीचा उपाय म्हणून हा निर्णय घेण्यात आला. बैठकिला विवेक क्षीरसागर, मधु गभने, शंभु लांबट, बबलु मुनीश्वर इत्यादी ग्रामस्थ व पदाधिकारी यावेळी मोठ्या संख्येने उपस्थित होते. प्रसिद्ध श्री बालाजी रथ यात्रा (घोडा यात्रा) निमित्ताने तथा स्वयंभु हनुमंत देवस्थानात हजारो भाविक मोठ्या संख्येने येतात. तसेच मीना बाजार आता भरणार नाही.