इमारतीवरून पडून मजुराचा मृत्यू

दुमजली इमारतीवर घराला कोपींग टाकीत असताना विद्युत तारेच्या स्पर्शाने मजुराचा मृत्यू झाल्याची खळबळजनक घटना

बारव्हा

: दुमजली इमारतीवर घराला कोपींग टाकीत असताना विद्युत तारेच्या स्पर्शाने मजुराचा मृत्यू झाल्याची खळबळजनक घटना दिघोरी पोलीस स्टेशनअंतर्गत येत असलेल्या बारव्हा येथे आज बुधवारी दुपारी ३ वाजताच्या सुमारास घडली.

भूपेश

विष्णू नागोसे (२५) असे मृताचे नाव असून तो दवडीपार (बेला) ता.जि. भंडारा येथील रहिवाशी आहे. वृत्त असे की, बारव्हा येथे रेवनीराम केशव देव्हारे यांच्या दुमजली इमारतीचे काम तीन महिन्यापासून सुरु आहे. ऐन रस्त्याच्या कडेला असलेल्या विद्युत तारांना स्पशरून इमारतीची भींत उभारण्यात आली.

कित्येक

दिवसांपासून भूपेश हा नातेवाईक असल्याने रेवतीरामचे इमारतीचे कामावर होता. बेलदारकीसोबतच इमारतीला पाणी देण्याचे काम करायचा.

घटनेच्या

दिवशी इमारतीला स्पशरून असलेल्या खांबावर पाय ठेवून तो काम करीत असल्याचे लोकांनी पाहिले. काही कळण्याआधीच विद्युत तारेचा स्पर्श होऊन तो खाली कोसळला व त्याचा जागीच मृत्यू झाला.

यावेळी

घरचे मंडळ व्यवसायानिमित्त बाहेर गेले होते. घटनेचा तपास ठाणेदार राजनकर करीत असून कलम १७४ सीआरपी नुसार र्मग नं. ६ दाखल करण्यात आला असून पुढील तपास सुरु आहे. घटनेमुळे गावात शोककळा पसरली आहे. (वार्ताहर)