निर्माणाधीन उड्डाणपूलावरुन क्रेन बकेट रेल्वे फाटकावर कोसळली

देव्हाडी येथे रेल्वे उड्डाणपूलाचे बांधकाम सुरु आहे. रेल्वे फाटकाजवळ पुलाचे मोठे कॉलम भरण्याचे काम केले जात आहे. हायड्रा क्रेनद्वारे सिमेंट, गिट्टीने भरलेली बकेट वर पाठविली जाते. सकाळी ८ वाजताच्या सुमारास हायड्रा क्रेन अचानक अनियंत्रित झाली व बकेटसह क्रेन थेट रेल्वे फाटकावर आदळली. त्यात क्रेनचा चालक थोडक्यात बचावला. तर रेल्वे फाटक बंद होते.

ठळक मुद्देतुमसर लगतची घटना। सुदैवाने दोन मोटारसायकलस्वार बचावले

लोकमत न्यूज नेटवर्कतुमसर : निर्माणाधिन उड्डाणपूल बांधकामादरम्यान हायड्रा क्रेन अनियंत्रीत होवून लोखंडी बकेट रेल्वे फाटकावर कोसळण्याची घटना तुमसरलगत देव्हाडी येथे शनिवारी सकाळी ८ वाजताच्या सुमारास घडली. नेमके याचवेळी दोन दुचाकीस्वार रेल्वेफाटक पार करीत होते. सुदैवाने ते दोघेही या अपघातातून बचावले. मात्र तुमसर गोंदिया राष्ट्रीय महामार्गावरील वाहतूक तीन तास ठप्प झाली होती.देव्हाडी येथे रेल्वे उड्डाणपूलाचे बांधकाम सुरु आहे. रेल्वे फाटकाजवळ पुलाचे मोठे कॉलम भरण्याचे काम केले जात आहे. हायड्रा क्रेनद्वारे सिमेंट, गिट्टीने भरलेली बकेट वर पाठविली जाते. सकाळी ८ वाजताच्या सुमारास हायड्रा क्रेन अचानक अनियंत्रित झाली व बकेटसह क्रेन थेट रेल्वे फाटकावर आदळली. त्यात क्रेनचा चालक थोडक्यात बचावला. तर रेल्वे फाटक बंद होते. मात्र दोन दुचाकीस्वार तेथून जाण्याचा प्रयत्न करीत होते. त्यांच्या हा प्रकार लक्षात येताच त्यांनी दुचाकीसह पळ काढला. त्यामुळे ते थोडक्यात बचावले.हायड्रा मशीन कोसळल्यानंतर मोठा आवाज झाला. एकच धावपळ झाली. रेल्वे फाटकावर हायड्रा मशीनचा दांडा व बकेट कोसळल्याने रेल्वे फाटकाचे अक्षरश: दोन तुकडे झाले. निष्काळजीपणा व अपघाताला जबाबदार धरुन संबंधीत कंत्राटदारावर रेल्वे प्रशासनाने गुन्हा दाखल केला आहे. हायड्रा मशीनही जप्त करण्यात आली आहे.रेल्वे उड्डाणपूलाचा कॉलम भरावादरम्यान हा अपघात घडला. अपघात स्थळापासून अवघ्या दोन फुटावर ओव्हरहेड वीज तारा आहे. उच्चदाब वीज तारांना स्पर्श झाला असता तर मोठा अनर्थ घडला असता. येथे सुरक्षेच्या दृष्टीने दुर्लक्ष होत असून सुमारे २५ कोटी रुपयांचे बांधकाम सुरु असतांना पुरेशा सुरक्षा उपाययोजना होताना दिसत नाही. या बांधकामाजवळून राष्ट्रीय महामार्ग २४ तास सुरु असतो. येथे चार ते पाच तांत्रिक कर्मचारी काम करतांना दिसतात.