भीमा कोरेगाव शौर्यदिनी मानवंदना

१ जानेवारी हा दिवस नववर्षाची सुरुवात, परंतु आंबेडकरवादी जनतेसाठी हा ऐतिहासिक शौर्याचा दिवस आहे. पराक्रमाची प्रेरणा देणारा दिवस होय. १ जानेवारी १८१८ रोजी पुण्याजवळील भीमा नदीच्या तिरावर कोरेगाव येथे तत्कालीन अस्पृश्य महारांच्या ५०० सैन्याने पेशव्यांच्या अवाढव्य २८००० सैन्यांचा पराभव केला होता. विजयी ध्वज रोवला होता. या ऐतिहासिक दिनाचे स्मरण करण्यासाठी भंडारा शहरात भीमा कोरेगाव शौर्यदिनाचे आयोजन करण्यात आले होते.

ठळक मुद्देअभिवादन सभा : समता सैनिक दलाची भंडाऱ्यात रॅली

लोकमत न्यूज नेटवर्कभंडारा : भीमा कोरेगाव शौर्यदिनानिमित्त येथील त्रिमूर्ती चौकातील डॉ.बाबासाहेब आंबेडकर स्मारकासमोर अभिवादन आणि मानवंदना कार्यक्रमाचे बुधवारी आयोजन करण्यात आले होते. भंडारा शहरातून समता सैनिक दलाच्या वतीने काढण्यात आलेल्या रॅलीने सर्वांचे लक्ष वेधले होते.१ जानेवारी हा दिवस नववर्षाची सुरुवात, परंतु आंबेडकरवादी जनतेसाठी हा ऐतिहासिक शौर्याचा दिवस आहे. पराक्रमाची प्रेरणा देणारा दिवस होय. १ जानेवारी १८१८ रोजी पुण्याजवळील भीमा नदीच्या तिरावर कोरेगाव येथे तत्कालीन अस्पृश्य महारांच्या ५०० सैन्याने पेशव्यांच्या अवाढव्य २८००० सैन्यांचा पराभव केला होता. विजयी ध्वज रोवला होता. या ऐतिहासिक दिनाचे स्मरण करण्यासाठी भंडारा शहरात भीमा कोरेगाव शौर्यदिनाचे आयोजन करण्यात आले होते.भंडारा येथील डॉ.बाबासाहेब आंबेडकर स्मारकासमोर डॉ.आंबेडकर सार्वजनिक जयंती समारोह समितीतर्फे भीमा कोरेगाव येथील विजयी युद्धात शहीद झालेल्या शूरविरांना मानवंदना देण्यात आली.यावेळी माजी नगराध्यक्ष महेंद्र गडकरी, समितीचे अध्यक्ष सचिन बागडे, सल्लागार अमृत बन्सोड, प्रशांत सूर्यवंशी, अजय तांबे, असित बागडे, सुशील नगराळे, दीपक गजभिये, नरेंद्र बन्सोड, पायल गाणार, अमीत उके यांच्यासह शेकडो नागरिक उपस्थित होते. तत्पूर्वी भंडारा शहरातून समता सैनिक दलाच्या वतीने शिस्तबद्ध रॅली काढण्यात आली. रॅलीच्या अग्रभागी भीमा कोरेगाव येथील विजय स्तंभाची प्रतीकृती होती. या रॅलीने संपूर्ण शहरवासीयांचे लक्ष वेधून घेतले.