भेसळयुक्त खाद्य तेल जप्त

भंडारा तालुक्यातील ठाणा पेट्रोलपंप येथील ताज किराणा स्टोअर्समध्ये रिफाईन्ड सोयाबिन तेलाची विक्री करण्यात येत होती. यात १५ किलोचे एकूण ११ टीन विक्रीसाठी साठविण्यात आले होते. सदर खाद्य तेलाबाबत अन्न सुरक्षा अधिकारी बी.जी. नंदनवार यांनी चौकशी केली असता तेलपिप्याचे खरेदीचे बिल आढळून आले नाही.

ठळक मुद्देठाणा येथे कारवाई : अन्न व औषधी प्रशासनाची धाड

लोकमत न्यूज नेटवर्कभंडारा : सणासुदीच्या काळात मोठ्या प्रमाणात खाद्य तेलाची विक्री वाढत असते. याचाच फायदा घेवून कमी दर्जाचे व भेसळयुक्त खाद्य तेलाची विक्री होत असते. अशाच गोपनीय माहितीच्या आधारे अन्न औषध प्रशासनाच्या अधिकाऱ्यांनी ठाणा पेट्रोलपंप येथे एका पेढीवर कारवाई करीत ११ टीन खाद्य तेलाचे पीपे जप्त केले.भंडारा तालुक्यातील ठाणा पेट्रोलपंप येथील ताज किराणा स्टोअर्समध्ये रिफाईन्ड सोयाबिन तेलाची विक्री करण्यात येत होती. यात १५ किलोचे एकूण ११ टीन विक्रीसाठी साठविण्यात आले होते. सदर खाद्य तेलाबाबत अन्न सुरक्षा अधिकारी बी.जी. नंदनवार यांनी चौकशी केली असता तेलपिप्याचे खरेदीचे बिल आढळून आले नाही. सदर खाद्य तेलाची पॅकिंग गडेगाव येथील असून ते तेल कमी दर्जाचे असल्याचा संशय अधिकाऱ्यांना आला. सदर पीपे जप्त करून तेल तपासणीसाठी नमूने घेण्यात आले. जप्त करण्यात आलेल्या तेलाच्या साठ्याची किंमत १४ हजार १६१ रूपये सांगण्यात येते.सदर कारवाई अन्न व औषध सहआयुक्त चंद्रकांत पवार यांच्या मार्गदर्शनात सहायक उपायुक्त जयंत वाणे यांच्या नेतृत्वात अन्न सुरक्षा अधिकारी भाष्कर नंदनवार यांनी केले. जिल्ह्यात सणासुदीच्या काळात मोठ्या प्रमाणात अन्न पदार्थांमध्ये भेसळ करुन विकली जातात. याबाबत ग्राहकांनीही जागरुक राहून खरेदी केली पाहिजे असे अन्न व औषध प्रशासनाने कळविले आहे.