केवळ हाताच्या रेषाच नाही, तळहात, बोटं, नखांचा पोत देखील व्यक्तीचा स्वभाव आणि भविष्य सांगतो. हस्तरेखाशास्त्रात या सर्व गोष्टी वाचायला मिळतात. आज आपण नखांच्या चिन्हांवरून त्याचे गुण दोष जाणून घेऊ. हस्त रेखा शास्त्रात सांगितले आहे की नखांमध्ये तयार झालेली विशिष्ट खूण खूप शुभ असतात. मात्र काही चिन्ह अशुभ देखील देतात. ही चिन्ह येत जात राहतात. त्यानुसार आपली आर्थिक स्थिती देखील बदलत राहते असे म्हणतात. चला अधिक जाणून घेऊया या चिन्हांविषयी!
- ज्या लोकांच्या हाताच्या सर्व बोटांच्या नखांवर चंद्रकोर आकार असतो, ते खूप भाग्यवान असतात. असे लोक राजासारखे आयुष्य जगतात. तसेच हे चिन्ह सुदृढ आणि निरोगी आरोग्याचे लक्षण मानले जाते.
- जर अंगठ्याच्या नखाला चांगली वाढ असेल तर अशा लोकांना यश मिळते पण त्यांना अनेक अडचणींनाही सामोरे जावे लागते.
- पिवळ्या रंगाची नखे अनारोग्याचे लक्षण असते. त्यांनी आपल्या आरोग्याची काळजी घेऊन प्रकृतीत सुधारणा करण्याकडे लक्ष दिले पाहिजे. म्हणतात ना, सिर सलामत तो पगडी पचास!
- ज्यांच्या नखांवर पांढरे किंवा काळे डाग असतात ते लोक भांडकुदळ असतात. हे डाग तात्पुरते असले, तर ते असेपर्यंतच्या कालावधीत स्वभावात चढ उतार होत राहतात.
- गुलाबी रंगाची नखे असणाऱ्या व्यक्तीकडे अमाप संपत्ती असते. ही संपत्ती केवळ पैशांची नाही तर आरोग्याचीही असते.