पूजा, विधी, मुहूर्त या सर्व गोष्टींना उत्सवाच्या प्रसंगी अतिशय महत्त्व असते. त्या बरोबरच महत्त्व असते, ते म्हणजे मंत्रोच्चारांना! त्यामुळे वातावरण निर्मिती होते तसेच अन्यही अनेक फायदे होतात, पण ते नेमके कोणते, जाणून घेऊया आजच्या लाईव्ह सत्रात! दिवाळीच्या शुभमुहूर्तावर म्हणजेच १४ नोव्हेम्बर रोजी सायंकाळी ८ वाजता डॉ. पुरुषोत्तम राजीमवाले 'वेद आणि मंत्र घोषांची' अपूर्व भेट घेऊन, लोकमत भक्ती युट्युब चॅनेलच्या माध्यमातून आपल्या भेटीला येत आहेत.
डॉ. पुरुषोत्तम राजीमवाले हे शिवपुरी अक्कलकोटचे परम सद्गुरु श्री गजानन महाराज यांचे नातू आहेत. तसेच ते अक्कलकोट येथील श्री स्वामी समर्थ गुरूंच्या वंशातील आहेत. राजीमवाले कुटुंब मध्य भारतातील महाकोसल येथील राजेशाही कुटुंब म्हणून ओळखले जाते. १८०० सालापासून जनकल्याणासाठी झटण्याची परंपरा या कुटुंबाला लाभली आहे.
अक्कलकोट येथे अग्निहोत्राच्या प्राचीन सर्वोत्तम प्रथेचे डॉ. पुरुषोत्तम यांनी पुनरुज्जीवन केले आणि उपचार, शांतीचा संदेश जगाला देण्यासाठी शिवपुरीच्या आश्रमाची स्थापना केली. त्यांनी आपले संपूर्ण बालपण अक्कलकोटच्या मठात आध्यात्मिकदृष्ट्या भारावलेल्या वातावरणात, महान योगी व संतांसोबत व्यतीत केले आहे. तसेच त्यांचे वडील श्रीकांतजी महाराज यांच्या मार्गदर्शनाखाली त्यांनी गुरु परंपरेनुसार प्राचीन विद्या आत्मसात केली. डॉ. पुरुषोत्तम यांच्या वडिलांनी संस्कृतमध्ये पीएचडी करताना वैदिक साहित्यात विशेषज्ञता प्राप्त केली होती. वडिलांकडून वेदाभ्यासाचे धडे घेत त्यांनी आयुर्वेद, योग ते तत्वज्ञान आणि वैदिक विज्ञान इ. विषयांचाही अभ्यास केला. समग्र दृष्टिकोन ठेऊन, निसर्गाच्या सानिध्यात राहत आरोग्य व निरोगी आयुष्य कसे जगायचे, याची प्राचीन शिकवणी त्यांनी घेतली.
डॉ. राजीमवाले यांच्यासारख्या जाणकार व्यक्तीकडून वेद आणि मंत्र घोष ऐकणे ही रसिकांसाठी निश्चितच पर्वणी ठरेल. त्यासाठी १४ नोव्हेंबर रोजी सायंकाळी ८ वाजता भेट द्या, लोकमत भक्ती या युट्युब चॅनेलला.
https://www.youtube.com/watch?v=1pCD-XqhlA0