असाही एक ‘रोझ डे’; गुलाबाऐवजी लोकसहभागातून ‘दामिनी’ला दुचाकी भेट

‘व्हॅलेंटाईन वीक’ला सुरूवात झाली आहे. गुरूवारी ‘रोझ डे’ होता. या दिवशी गुलाब दिला जातो. मात्र, बीडमधील दानशुरांनी गुलाब देण्याऐवजी छेडछाड रोखण्यासाठी नियुक्त केलेल्या दामिनी पथकाला दुचाकींची भेट दिली आहे.

ठळक मुद्देआदर्श संकल्पना : छेडछाड रोखण्यासाठी दुचाकीवरून पोलिसांची जिल्हाभर राहणार गस्त

बीड : ‘व्हॅलेंटाईन वीक’ला सुरूवात झाली आहे. गुरूवारी ‘रोझ डे’ होता. या दिवशी गुलाब दिला जातो. मात्र, बीडमधील दानशुरांनी गुलाब देण्याऐवजी छेडछाड रोखण्यासाठी नियुक्त केलेल्या दामिनी पथकाला दुचाकींची भेट दिली आहे. बीडमध्ये असाही ‘रोझ डे’ साजरा केल्यानंतर याची चर्चा दिवसभर शहरात होती. बीड पोलिसांनी राबविलेला हा उपक्रम राज्यात अव्वल राहणार आहे. याच दुचाकीवरून दामिनी पथके आता जिल्हाभर गस्त घालणार असल्याने महिला, मुलींमधून समाधान व्यक्त होत आहे.शाळा, महाविद्यालयात जाताना रस्त्यावर उभा राहून किंवा पाठलाग करून रोडरोमिओ मुलींची छेड काढतात. तसेच रात्री, अपरात्री एकटी महिला, मुलगी पाहून तिला टाँट मारणे, अश्लील भाषा वापरणे, छेड काढण्यासारखे प्रकार केले जातात. हाच धागा पकडून जिल्ह्यात १२ दामिनी पथकांची नियुक्ती केली. जिल्हाभर जनजागृतीसह छेड काढणाऱ्या रोमिओंना पकडून चोप दिला. आता यामध्ये आणखी सुधारणा व्हावी, मुलींमध्ये विश्वास निर्माण व्हावा, यासाठी प्रत्येक पथकाला एक दुचाकी देण्याची संकल्पना जिल्हा पोलीस अधीक्षक जी.श्रीधर यांनी व्यक्त केली. याला बीडकरांमधून उत्स्फूर्त प्रतिसाद मिळाला. प्रत्येक तालुक्यातून एक दुचाकी पथकाला भेट देण्यात आली. याचे वाटप गुरूवारी करण्यात आले.इकडे गुलाब देऊन तरूण प्रेमाचा ‘इजहार’ करीत होते, तर दुसºया बाजूला पोलीस आणि नागरिकांनी एकत्र येत आदर्श उपक्रम हाती घेतला. अपर पोलीस महासंचालिका डॉ. प्रज्ञा सरवदे यांच्या हस्ते दुचाकींचे वाटप तसेच मान्यवरांच्या हस्ते बीड पोलिसांनी काढलेल्या कालदर्शिकेचे प्रकाशनही झाले. यावेळी विशेष पोलीस महानिरीक्षक प्रकाश मुत्याल, पोलीस अधीक्षक जी.श्रीधर, जालनाचे अधीक्षक एस.चैतन्य, उस्मानाबादचे अधीक्षक आर. राजा, औरंगाबाद ग्रामीणच्या अधीक्षिका आरती सिंह, अपर पोलीस अधीक्षक वैभव कलुबर्मे, अजित बोºहाडे, उपअधीक्षक सुधीर खिरडकर, भास्कार सावंत, श्रीकांत डिसले, पोनि घनश्याम पाळवदे, राजीव तळेकर, भाऊसाहेब पाटील, पोउपनि भारत माने आदींची प्रमुख उपस्थिती होती. कार्यक्रमाचे सूत्रसंचालन प्रा.प्रशांत जोशी यांनी केले.