श्रीगोंदेकरांची ऑलिम्पिकवीराच्या आई-वडील, शिक्षकास सलामी

अविनाश कदम/

लोकमत न्यूज नेटवर्क

आष्टी : श्रीगोंदा येथील ‘अग्निपंख’ फाउंडेशनने शनिवारी श्रीगोंदा ते मांडवा (ता. आष्टी) ८० किलोमीटर प्रेरणा सायकल वारी काढून मांडवा येथील ऑलिम्पिक खेळाडू अविनाश साबळे यांच्या आई, वडिलांना सलाम केला. यावेळी अविनाशच्या आई, वडील व शिक्षक जमीर सय्यद यांच्या डोळ्यातून आनंदाश्रू तरारले.

मांडवा येथील अविनाश साबळे हा वीटभट्टीवर काम करणाऱ्या मांडवा येथील एका मजुराचा मुलगा आहे. अविनाश साबळे याने टोकियोत सुरू असलेल्या ऑलिम्पिक स्पर्धेत ३००० ट्रिपल चेसमध्ये नॅशनल रेकॉर्ड केले. या खेळात पुरुष गटात अविनाशच्या रूपाने भारताला ऑलिम्पिकमध्ये उतरण्याची संधी मिळाली हे विशेष आहे.

सायकलवारीस श्रीगोंद्यात राष्ट्रीय मल्ल भाग्यश्री फंड, सोनाली मंडलिक, धनश्री फंड, पल्लवी पोटफोडे, सिध्दी शिंदे, साक्षी इंगळे यांनी प्रस्थान झेंडा दाखविला. सायकल वारीचे श्रीगोंदा येथे नगरसेवक संग्राम घोडके, आढळगाव येथे सरपंच शिवप्रसाद उबाळे, शरद जमदाडे, रुईगव्हाण फाट्यावर जामदार सर, चांदे येथे सुद्रिक महाराज, मिरजगाव ग्रामस्थांनी स्वागत केले. तर आष्टी येथे पोलीस उपाधीक्षक विजय लगारे, ॲड. विजय ढोबळे यांनी भोजनाची व्यवस्था केली. कडा येथे ए. के. शिंदे यांनी स्वागत केले. अग्निपंखच्या वतीने अविनाशचे आईवडील वैशाली व मुकुंद साबळे, शिक्षक जमीर सय्यद यांचा सत्कार केला. मांडवेचे सरपंच अशोक मुटकुळे यांनी आभार मानले.

.....

शाळेत जातानाही अविनाश धावत होता

अविनाश लहानपणी शाळेत जाण्यासाठी धावत होता. त्याला खाण्यास सकस अन्न नव्हते, पण जिद्द होती. तो भारतीय सैन्य दलात शिपाई म्हणून भरती झाला आणि टोकियो ऑलिम्पिकमध्ये धावला. याचा खूप अभिमान वाटला.

-वैशाली व मुकुंद साबळे, आई, वडील.

...

सहभागी सायकलपटू

श्रावणी जगताप, ऋतुपर्ण साळवे, रोहीत वऱ्हाडे, कृष्णा साळवे, वेदांत दरेकर, वेदांत दरेकर, आदित्य वाजे, श्रीराम जगताप हे बालवीर तसेच प्रतिभा गांधी, संगीता इंगळे, मनिषा काकडे, शहाजी खेतमाळीस, लालासाहेब काकडे, दत्ताजी जगताप, नवनाथ दरेकर, संपत इधाटे, मच्छिंद्र सुपेकर, तुषार शिंदे, श्रीयद लोड, महारुद्र तांबे, अमोल गव्हाणे, चंदन घोडके, अंकुश तुपे, अजय गाडेकर, अमोल साळवे, विजय पवार.

010821\01_2_bed_18_01082021_14.jpg~010821\01_2_bed_19_01082021_14.jpg

श्रीगोंदा येथील अग्नीपंख फौंडेशनने शनिवारी श्रीगोंदा ते मांडवा (ता आष्टी) ८० किलोमीटर प्रेरणा सायकल वारी काढून मांडवा येथील ऑलिम्पिक खेळाडू अविनाश साबळे यांच्या आई, वडिलांना सलाम केला.~श्रीगोंदा येथील अग्नीपंख फौंडेशनने शनिवारी श्रीगोंदा ते मांडवा (ता आष्टी) ८० किलोमीटर प्रेरणा सायकल वारी काढून मांडवा येथील ऑलिम्पिक खेळाडू अविनाश साबळे यांच्या आई, वडिलांना सलाम केला.