अतिवृष्टीच्या नुकसानीचे पंचनामे करा

बाधित शेतक-यांना पीक नुकसानीसाठी मदत देण्यासाठी आवश्यक असलेल्या रकमेचा तपशील व बाधित क्षेत्राची माहिती विवरण पत्रामध्ये तत्काळ पाठविण्याचे आदेश जिल्हाधिका-यांनी सर्व तहसीलदारांना दिले आहेत.

ठळक मुद्देबीड जिल्हाधिकाऱ्यांचे तहसीलदारांना निर्देश बाधित क्षेत्राच्या माहितीसह मदत देण्यासाठी आवश्यक रकमेचा तपशील शासनाने मागविला

बीड : जुलै व आॅगस्ट २०१९ तसेच सप्टेंबर ते आॅक्टोबरमधील अतिवृष्टी व पुरामुळे शेतीपिकांचे ३३ टक्के किंवा अधिक नुकसान झालेल्या बाधित शेतकऱ्यांना सदर पिकासाठी घेतलेल्या पीक कर्जाची माफी व पीक कर्ज न घेतलेल्या शेतकºयांना १ हेक्टेरच्या मर्यादेत केंद्रीय आपत्ती निवारण सहायता कोष तसेच राज्य आपत्ती निवारण सहायता कोषच्या दराच्या तिप्पट दराने मदत देण्याचा निर्णय घेण्यात आला आहे. यासाठी बाधित शेतक-यांना पीक नुकसानीसाठी मदत देण्यासाठी आवश्यक असलेल्या रकमेचा तपशील व बाधित क्षेत्राची माहिती विवरण पत्रामध्ये तत्काळ पाठविण्याचे आदेश जिल्हाधिका-यांनी सर्व तहसीलदारांना दिले आहेत.विवरण पत्रात या मुद्द्यांचा समावेशपेरणीखालील सामान्य क्षेत्र हेक्टर, चालू वर्षी पेरणी झालेले क्षेत्र हेक्टर, ३३ टक्के किंवा अधिक नुकसान झालेले बाधित क्षेत्र हेक्टर, बाधित शेतकरी संख्या, ६ हजार ८०० रु. प्रती हेक्टरप्रमाणे एक हेक्टरच्या मर्यादेत मदत देण्यासाठी आवश्यक रक्कम (लाखात), १३ हजार ६०० रु. प्रती हेक्टरप्रमाणे १ हेक्टरच्या मर्यादेत मदत देण्यासाठी आवश्यक रक्कम, एकूण मदतीची रक्कम लाखात नमूद करण्याबाबत सूचना देण्यात आलेल्या आहेत.कोरडवाहू, आश्वासित सिंचनाखालील क्षेत्र व बहुवार्षिक पिकाखालील क्षेत्र अशी वर्गवारी करण्यात येणार आहे.सरसकट कर्ज माफ करामागील तीन वर्षात बहुतांश शेतकºयांना पीक कर्ज मिळालेले नाही. हे शेतकरी संपूर्ण कर्जमाफीच्या प्रतीक्षेत होते. कर्जमाफी न झाल्याने या शेतकºयांकडील थकबाकी वाढत गेली. त्यामुळे त्यांचे संपूर्ण कर्ज सरसकट माफ करावे, तसेच पीक नुकसानीचे पंचनामे तातडीने करावेत, अशी मागणी शेतकरी संघर्ष समितीचे गंगाभिषण थावरे यांनी केली.