प्रीतम मुंडे जवळपास १७ कोटींच्या तर बजरंग सोनवणे १२ कोटींचे मालक

बीड लोकसभा मतदारसंघातील भाजपाच्या उमेदवार डॉ. प्रीतम मुंडे आणि त्यांचे पती गौरव खाडे यांच्याकडे जवळपास १६ कोटी ६४ लाख ७७ हजार रुपयांची जंगम आणि स्थावर मालमत्ता आहे. तर राष्टÑवादीचे उमेदवार बजरंग सोनवणे आणि त्यांच्या पत्नी सारिका, मुलगी हर्षदा, मुलगा सौरव आणि गौरव यांच्याकडे मिळून एकूण १२ कोटी १६ लाख रुपयांची स्थावर आणि जंगम मालमत्ता आहे.

ठळक मुद्देमुंडे यांच्यावर जवळपास १० कोटींचे तर बजरंग सोनवणे यांच्यावर ७९ लाखांचे कर्ज

सतीश जोशी।लोकमत न्यूज नेटवर्कबीड : बीड लोकसभा मतदारसंघातील भाजपाच्या उमेदवार डॉ. प्रीतम मुंडे आणि त्यांचे पती गौरव खाडे यांच्याकडे जवळपास १६ कोटी ६४ लाख ७७ हजार रुपयांची जंगम आणि स्थावर मालमत्ता आहे. तर राष्टÑवादीचे उमेदवार बजरंग सोनवणे आणि त्यांच्या पत्नी सारिका, मुलगी हर्षदा, मुलगा सौरव आणि गौरव यांच्याकडे मिळून एकूण १२ कोटी १६ लाख रुपयांची स्थावर आणि जंगम मालमत्ता आहे.उमेदवारी अर्ज दाखल करताना निवडणूक आयोगाकडे दिलेल्या शपथपत्रामध्ये ही माहिती देण्यात आली. प्रीतम यांच्याकडे १० कोटी ४७ लाख ७० हजार ९४९ रुपयांची तर त्यांचे पती गौरव राजेंद्र खाडे यांच्याकडे २ कोटी २१ लाख २ हजार रुपयांची जंगम मालमत्ता आहे. प्रीतम यांच्याकडे ३ कोटी ८७ लाख ४८ हजार रुपयांची स्थावर मालमत्ता आहे. गौरव खाडे यांच्या नावावर १८ लाख ५६ हजार इतकी स्थावर मालमत्ता आहे. प्रीतम यांना ८ कोटी ६२ लाख ७७ हजार रुपयांचे तर गौरव खाडे यांना १ कोटी २५ लाख ५६ हजार रुपयांचे देणे आहे. प्रीतम मुंडे या वैद्यकीय शिक्षण एमडी पर्यंत झालेले आहे.राष्टÑवादीचे उमेदवार बजरंग सोनवणे यांच्या नावावर २ कोटी ५२ लाख ११ हजार तर त्यांच्या पत्नी सारिका यांच्या नावावर १ कोटी १२ लाख ३६ हजार इतकी जंगम मालमत्ता आहे. त्यांची मुलगी हर्षदा यांच्या नावावर १ लाख ८६ हजार, मुलगा सौरव यांच्या नावावर १ कोटी ९० लाख ८० हजार तर गौरव यांच्यानावर १ कोटी ६५ लाख ७ हजार इतकी जंगम मालमत्ता आहे. सोनवणे यांच्या नावावर ८६ लाख ३३ हजार तर सारिका यांच्या नावावर ४० लाख २७ हजार इतकी स्थावर मालमत्ता आहे. मुलगा सौरव यांच्या नावावर ४३ लाख ५ हजार तर गौरव याच्या नावावर ६१ लाख ८० हजार इतकी स्थावर मालमत्ता आहे. बजरंग सोनवणे यांना ६४ लाख २३ हजार तर त्यांच्या पत्नी सारिका यांना १४ लाख ३९ हजारांचे देणे आहे. सोनवणे यांचे शिक्षण बी.ए.पर्यंत झाले आहे.