परळीत पाच ग्रामपंचायतींवर राष्ट्रवादीचे वर्चस्व

परळी विधानसभा मतदारसंघातील परळी व अंबाजोगाई तालुक्यातील एकूण बारापैकी १० ग्रामपंचायती आपल्या पॅनेलकडे असल्याचा दावा राष्ट्रवादी काँग्रेसकडून करण्यात आला आहे. लाडझरी, सर्फराजपूर ,गडदेवाडी येथे राष्ट्रवादी काँग्रेस पुरस्कृत पॅनेलला यश मिळाले तर मोहा येथे राष्ट्रवादी काँग्रेस-भाजप पुरस्कृत पॅनेलने विजय मिळविला आहे. रेवली येथे एका जागेसाठी मतदान झाले होते त्यात अपक्ष उमेदवाराने विजय मिळविला आहे. रेवली येथील सदस्यपदाच्या ८जागा बिनविरोध निघालेल्या आहेत. तसेच वंजारवाडी ग्रामपंचायत यापूर्वीच बिनविरोध झाली आहे. रेवली, वंजारवाडी ही राष्ट्रवादी काँग्रेसच्या ताब्यात असल्याचे पक्षाच्यावतीने कळविण्यात आले आहे. भाजपा नेते प्रा. टी. पी. मुंडे यांच्या मार्गदर्शनाखाली अनेक वर्षांपासून असलेली भोपळा ग्रामपंचायत यावेळी त्यांच्याकडेच राहिली आहे. राष्ट्रवादी काँग्रेस पुरस्कृतविजयी उमेदवारांनी गुलाल उधळत पालकमंत्र्यांच्या संपर्क कार्यालयात विजयी जल्लोष केला. सर्व नवनिर्वाचित सदस्यांचे बीड जिल्हा परिषदेचेगटनेते अजय मुंडे यांनी हार घालून व पेढे भरवून स्वागत केले.