राक्षसभुवन येथे तीन लाखांचा वाळूसाठा पकडला
गेवराई : तालुक्यातील राक्षसभुवन येथील गोदावरी नदीपात्रात अवैध उपसा करून साठा केलेल्या वाळूवर छापा टाकला. तीन लाख रुपयांचा १०० ब्रास वाळूसाठा जप्त करण्यात आला. ही कारवाई १६ ऑगस्ट रोजी करण्यात आली. राक्षसभुवनचे तलाठी गोविंद ढाकणे यांनी ही कारवाई केली. ढाकणे यांच्या फिर्यादीवरून अज्ञात ट्रॅक्टरचालक व केनीचालक यांच्यावर चकलांबा ठाण्यात गुन्हा नोंद करण्यात आला.
....
डोळ्यात चटणी टाकून पतीस मारहाण
माजलगाव: पतीला माहेरी बोलावून घेत डोळ्यात चटणी टाकून काठीने मारहाण केल्याची घटना शहरातील एकनाथनगरात १५ ऑगस्ट रोजी घडली. दत्ता लहूराव वाघमारे (३०, रा.मंजरथ ता.माजलगाव) असे जखमीचे नाव आहे. त्याच्या तक्रारीवरुन प्रियंका दत्ता वाघमारे, द्रौपदा शिवाजी धारक, वसंत शिवाजी धारक यांच्यावर शहर ठाण्यात गुन्हा नोंद करण्यात आला.
....
मारहाण करुन १५ हजार हिसकावले
परळी: ऊसतोडीच्या पैशाच्या व्यवहारातून एका वृध्दास घरात घुसून मारहाण करुन १५ हजार रुपये हिसकावून नेले. ही घटना ९ ऑगस्ट रोजी रेवली येथे घडली. प्रभू विठोबा मुंडे (७०) असे जखमीचे नाव आहे. पैसे परत द्या असे म्हणत प्रभू यांना मारहाण करण्यात आली. खिशातूून बळजबरीने १५ हजार रुपये काढून घेऊन जीवे मारण्याची धमकी दिली. प्रभू मुंडे यांच्या तक्रारीवरुन सतीश बाबासाहेब मैंद
(रा.मैंदवाडी ता.धारुर) याच्यावर सिरसाळा ठाण्यात गुन्हा नोंदविण्यात आला.
....
केजमध्ये चोरट्यांनी मेडिकल फोडले
केज: शहरातील रोजामोहल्ला परिसरात ऐतेशाम मुस्ताक खतीब यांचे मेडिकल दुकान फोडून चोरट्यांनी हजारो रुपयांचा मुद्देमाल चोरट्यांनी लंपास केला. चोरट्यांनी बंद मेडिकलच्या शटरचे कुलूप तोडून आत प्रवेश केला. १५ हजार रुपयांचा मोबाइल व २७ हजार ८७० रुपयांचा मोबाइल चोरट्यांनी लंपास केला. या प्रकरणी केज ठाण्यात गुन्हा नोंद करण्यात आला.
....
बर्दापूर येथून रोकड, टीव्ही लंपास
अंबाजोगाई: तालुक्यातील बर्दापूर येथे शांताबाई बालाजी चव्हाण यांच्या घरात शिरुन चोरट्यांनी १३ ते १६ ऑगस्ट दरम्यान रोख ७ हजार रुपये व ७ हजार किमतीचा टीव्हा असा एकूण १४ हजार रुपयांचा मुद्देमाल लंपास केला. शांताबाई या बाहेरगावी होत्या. ही संधी साधत चोरट्यांनी बंद घराचे कुलूप तोडून आत प्रवेश केला. याप्रकरणी बर्दापूर ठाण्यात गुन्हा नोंद करण्यात आला.
.....
बाहेगव्हाण येथून विद्युतपंप लंपास
वडवणी: तालुक्यातील बाहेगव्हाण येथून चोरट्यांनी एका शेतकऱ्याच्या शेतातील १५ हजार किमतीचा विद्युतपंप लंपास केला. ही घटना १४ ऑगस्ट रोजी घडली.तुळशीराम बळीराम मस्के यांना मुख्यमंत्री सोलार किसान योजनेतून विद्युतपंप मिळाला होता. तो त्यांनी विहिरीवर बसविला होता. चोरट्यांनी तो पळवला. तुळशीराम मस्के यांच्या तक्रारीवरुन वडवणी ठाण्यात गुन्हा नोंद करण्यात आला.
...
.