बीड : शिवसेना तालुका उपप्रमुख मधुकर शिंदे यांची धारदार शस्त्राने भोसकून हत्या केल्याप्रकरणी जिल्हा व सत्र न्यायालयाने शुक्रवारी तीन आरोपींना जन्मठेप व प्रत्येकी दोन हजार रुपयांचा दंडाची शिक्षा सुनावली. अशोक पवार, अनिल पवार व देवीदास पवार अशी शिक्षा झालेल्यांची नावे आहेत.१० आॅगस्ट २०१४ रोजी शिंदे रात्री पोखरी येथे दुचाकीवरून जात होते. याच वेळी ढेकणमोहा ते काळेगावदरम्यान अशोक, अनिल व देवीदासने रस्त्यात अडवून त्यांच्यावर धारदार शस्त्राने १५ वार केले. त्यात शिंदे यांचा मृत्यू झाला. न्या. एस.आर. कदम यांच्यापुढे या प्रकरणी जबाब नोंदविण्यात आले. यामध्ये सुशील व जगन्नाथ पवार यांची साक्ष महत्त्वाची ठरली. त्यानुसार तिन्ही आरोपींना जन्मठेप व दंड ठोठावला.शर्टच्या बटणावरून तपासघटनास्थळी आरोपी अशोक पवार याच्या शर्टचे बटण रक्ताने माखलेल्या फाटक्या कपड्याच्या तुकड्यासह आढळले होते. रासायनिक विश्लेषण केले असता हे बटण व शर्टचा तुकडा हा अशोक पवारच्या जप्त केलेल्या शर्टचा असल्याचे सिद्ध झाले. हा महत्त्वाचा पुरावा ठरला.
शिवसेना पदाधिका-याच्या खूनप्रकरणी तिघांना जन्मठेप
By लोकमत न्यूज नेटवर्क | Updated: September 16, 2017 04:01 IST