रुग्णांना आधार : ऑक्सिजन कॉन्सेंट्रेटर, मल्टिप्यारा मॉनिटर कार्यान्वित
धारूर
: तालुक्यातील शिक्षकांनी आठवड्यापूर्वी पाच ऑक्सिजन कॉन्सेंट्रेटर व शनिवारी चार मल्टिप्यारा माॅनिटर मशीन आरोग्य विभागाकडे सुपूर्द केल्या. कोविड केअर सेंटरवर गरजू कोरोना रुग्णांसाठी ही यंत्रणा कार्यान्वित करण्यात आली. शिक्षकांच्या या सहकार्यामुळे आरोग्य विभागास मोठे सहकार्य झाले असून, गंभीर रुग्णांना याची मोठी मदत होणार आहे.
धारूर तालुक्यातील जिल्हा परिषदेच्या शिक्षकांनी वरिष्ठांच्या आवाहनानुसार मदतीच्या आवाहनाला प्रतिसाद देत एक दिवसाचे वेतन दिले. त्यानंतर कोविड संकट काळात आपल्या तालुक्यासाठी मदत कामी आली पाहिजे, या उद्देशाने जि.प.चे मुख्य कार्यकारी अधिकारी अजित कुंभार, शिक्षणाधिकारी श्रीकांत कुलकर्णी, गटविकास अधिकारी आर. एस. कांबळे, गटशिक्षणाधिकारी गणेश गिरी, विस्तार अधिकारी शिवाजी अंडील यांचे मार्गदर्शन घेतले. सर्व शिक्षकांनी पुढाकार घेऊन स्वेच्छा निधी संकल्पना तालुक्यात राबविली. यातून ४ लाख ३० हजार रुपयांचा निधी स्वेच्छेने जमा केला. या उपक्रमात तालुक्यातील काही खासगी विद्यालयाच्या शिक्षकांनी सहभाग घेतला. कोरोना संकट काळात तालुक्यातील गरजूंच्या उपयोगासाठी मदतनिधीतून खर्च करण्याचा निर्णय घेतला. तालुक्याच्या ठिकाणी ऑक्सिजन बेड नसल्याने कोविड केअर सेंटरला ऑक्सिजन कॉन्सेंट्रेटर व मल्टि प्यारा माॅनिटर हे गंभीर रुग्णसाठी आवश्यक असणारे मशीन खरेदीचा निर्णय झाला पाच ऑक्सिजन कॉन्सेंट्रेटर व चार मल्टिप्यारा माॅनिटर देण्याचा निर्णय शिक्षकांनी घेतला. कोविड संकटानंतरही ही उपकरणे उपयोगी पडावीत, या हेतूने ते देण्यात आले. शनिवारपासून गंभीर रुग्णांसाठी याचा वापरही प्रत्यक्ष सुरू झाला. या निधी संकलनासाठी आसेफ शेख, अर्जुन मुंडे, श्रीराम आपेट, शांतीनाथ मुंडे, विकास अडागळे, रत्नाकर डोंगरे, सुदर्शन काळे, सचिन कवडे, जनार्धन पालकर, अनुरथ मुळे, सुमंत सक्रांते, आदींनी परिश्रम घेतले. शिक्षकांचा हा उपक्रम समाजमनाला उभारी देणारा ठरला आहे.
===Photopath===
290521\0234img-20210529-wa0107_14.jpg~290521\0239img_20210529_141159_14.jpg