लोकमत न्यूज नेटवर्क
शिरुर कासार : तालुक्यातील शिरुर, खालापुरी, रायमोहा आरोग्य केंद्रामार्फत शनिवारी एकाच दिवशी विक्रमी १,४३१ जणांना कोरोना लसीकरण केले. तालुक्यात आतापर्यंत २२ हजार जणांचे लसीकरण करण्यात आले आहे, अशी माहिती तालुका आरोग्य अधिकारी डॉ.अशोक गवळी यांनी सांगितले.
जिल्हा आरोग्य अधिकारी डॉ.आर.बी.पवार यांच्या आदेशानुसार, उपकेंद्र असलेल्या ठिकाणी जास्तीतजास्त लोकांचे लसीकरण करण्यावर भर दिला जात आहे. त्यासाठी तालुका आरोग्य अधिकारी डॉ.अशोक गवळी यांनी यांच्या मार्गदर्शनाखाली डॉ.किशोर खाडे, डॉ.सुहास खाडे, डॉ.संजीवनी गव्हाणे हे नियोजन करीत आहेत. दिलेल्या सर्व १०० टक्के लसींचे लसीकरण करण्यात येत आहे.
शिरुर प्राथमिक आरोग्य केंद्रांतर्गत जाटनांदूर, टेंभुर्णी, पिंपळनेर, सावरगाव, राक्षसभुवन येथे एकाच दिवसात विक्रमी ९८८ लाभार्थ्याचे लसीकरण करण्यात आले. त्यामध्ये ९८५ जणांनी पहिला डोस, तर ३ लाभार्थ्यांना दुसरा डोस देण्यात आला. खालापुरी प्राथमिक आरोग्य केंद्रांतर्गत उपकेंद्र खालापुरी व रायमोह येथे एकूण ४४३ लाभार्थ्याना लस देण्यात आली. आतापर्यंत शिरुर तालुक्यात २२ हजार ४६ लोकांना कोविड लस देण्यात आली आहे. त्यामध्ये १७,९१३ लोकांनी पहिला, तर ४,१३३ लोकांचा दुसरा डोस पूर्ण झाला आहे, असेही डॉ.गवळी यांनी सांगितले.
...
१०० टक्के लसीकरण करणार
कोरोना अजून संपलेला नाही. त्यामुळे जास्तीतजास्त प्रमाणात गावापर्यंत १०० टक्के लसीकरण करण्यासाठी नियोजन केले आहे. गाफील न राहता, लसीकरण करून घेण्याचे आवाहन तालुका आरोग्य अधिकारी ङॉ.अशोक गवळी यांनी केले आहे. सध्या शिरुर शहरात, तसेच ग्रामीण भागात लोक गर्दी करत असून, मास्क तसेच सॅनिटायझरचा लोकांना विसर पडला आहे, लोकांनी कोरोनाला गांभीर्याने घेऊन कोरोनाचे सर्व नियम पाळण्याचे आवाहन आरोग्य प्रशासनाने केले आहे.
040721\img-20210704-wa0019.jpg
शिरुर तालुक्यात आरोग्य विभागातर्फे कोरोना लसीकरण करण्यात येत आहे.