ऑनलाइन लोकमत
बीड, दि. 27 - जनावरांसाठीचा कङबा घेऊन जाणारा पेटता ट्रक आगीचे लोळ घेऊन जवळपास एक किलोमीटर महामार्गावरून धावला आणि एखाद्या चित्रपटातील थरारक दष्य पाहून लोकांच्या काळजाचा ठोका चुकला. गुरूवारी दुपारी साडेचार वाजण्याच्या दरम्यान चौसाळा गावानजिक हा प्रकार घडला.
महामार्गावर महावितरणच्या लोंबकळत असलेल्या तारा एकमेकांवर घासल्याने त्याच्या ठिणग्या उडाल्या आणि त्या नेमक्या कडबा घेऊन जाणाºया ट्रकवर (ट्रक क्रमांक एम.एच. ०९ २७५९) उडाल्या. परंतु ही गोष्ट चालकाच्या लक्षातच आली नाही. कडब्याने काही मिनिटातच पेट घेतला आणि आगीच्या ज्वाळा ट्रकमधून निघू लागल्या. तरीही जवळपास एककिलोमीटर हा ट्रक धावतच राहिला. चालक दीपक जोगदंड याला साईड आरशातून जेव्हा ट्रकने पेट घेतल्याचे दिसले तेव्हा त्याचेही धाबे दणाणले. परंतु समयसुचकता दाखवत त्याने रस्त्याच्या कडेला असलेल्या वाशिंग सेंटरवर ही गाडी आणली आणि त्यानंतर पाण्याच्या सहाय्याने आग विझविण्यात आली.