तुम्ही अनेकदा ऐकलं असेल की डोळे मनुष्याच्या व्यक्तित्वाचा आरसा असतात. कोणत्याही व्यक्तीच्या डोळ्यात बघून त्याच्या मनात काय सुरु आहे हे जाणून घेता येतं. असेही मानले जाते की, व्यक्तीच्या डोळ्यांच्या रंगाचा संबंध त्या व्यक्तीच्या व्यक्तित्वाशी असतो. चला जाणून घेऊया तुमच्या डोळ्यांचा रंग तुमच्याबाबत काय सांगतो....
करडा/राखाडी रंग :
करड्या किंवा राखाडी रंगांचे डोळे असणारे लोक मनाने खूप साफ असतात असे म्हटले जाते. या लोकांच्या मनात जे असतं ते स्पष्ट स्पष्ट बोलतात. हे लोक इमानदार असण्यासोबतच खूप हुशार असतात असेही मानले जाते. त्यासोबतच या लोकांचं व्यक्तिमत्वही आकर्षक असतं.
हिरव्या रंगाचे डोळे :
अशा रंगांचे डोळे असणारे लोक फार गंमतीदार स्वभावाचे असतात. प्रत्येक काम ते फार उत्साहाने करतात. त्यासोबतच हे लोक फार हुशार असतात आणि आयुष्य फार चांगल्या प्रकारे जगतात, असे मानले जाते.
निळ्या रंगांचे डोळे :
निळ्या रंगांचे डोळे असणारे लोक फार तल्लख बुद्धीचे मानले जातात. आपल्या सुंदर डोळ्यांनी हे लोक कुणालाही आपल्याकडे आकर्षित करतात. हे लोक दुसऱ्यांची मदत करण्यासाठी नेहमी सज्ज असतात. यांचा स्वभाव फार मोकळा असतो.
घाऱ्या रंगांचे डोळे :
या रंगांचे डोळे असणारे लोक स्वभावाने फार चांगले आणि आत्मविश्वासू असतात. हे लोक पैशांपेक्षा नात्यांना अधिक महत्व देतात. त्यासोबतच त्यांचं व्यक्तित्वही आकर्षक असतं.
हलके घारे डोळे :
अशा रंगांचे डोळे असणारे लोक हे स्वतंत्र विचारांचे लोक असतात. हे लोक एकटे राहणे जास्त पसंत करतात. या लोकांची खास गोष्ट म्हणजे ते परिस्थीतीनुसार स्वत:त बदल करत असतात.
काळ्या रंगांचे डोळे :
असे म्हणतात की काळ्या रंगांचे डोळे असणारे लोक हे फार सहस्यमयी स्वभावाचे असतात. हे लोक फार इमानदार असतात. त्यासोबतच एखादं गुपित कधीही उघड होऊ देत नाहीत. तसेच हे लोक लवकर कुणावरही विश्वास ठेवत नाहीत.