​लग्नापूर्वी मिळवा परफेक्ट फिगर!

लग्नप्रसंगी प्रत्येक वधूला लग्नाच्या जोड्यामध्ये आपण आकर्षक व सुंदर तसेच परफेक्ट दिसावे असे मनापासून वाटते, पण वाढलेले वजन आपल्याला त्रस्त करते. मात्र खाली दिलेल्या टिप्स फॉलो केल्यास आपण परफेक्ट फिगर मिळवू शकाल. * वाढलेले वजन लग्नाच्या सहा महिने अगोदरच कमी करण्यास सुरुवात करा. एक महिन्याअगोदर खूप वजन कमी करणे योग्य नाही. वजन कमी करण्यासाठी विशेषत: आहाराकडे लक्ष द्या. * सामान्यत: आपल्या शरीराला ६०० ते १००० कॅलरीची आवश्यकता असते. त्यानुसार आहार घेतल्यास वजन प्रमाणात राहण्यास मदत होते. * संतुलीत आहार घेतल्यास आपली त्वचा सतेज व चमकदारदेखील होते. यासाठी आहारात गाजर, पिळळ्या आणि नारंगी रंगाची फळे तसेच भाज्या याचा आहारात समावेश करावा लागेल.* दिवसभरातून १० ते १२ ग्लास पाणी प्या. यामुळे त्वचेला ग्लो येतो. त्याचबरोबर ज्यूस, सूप आणि ग्रीन टी याचे सेवन केल्यास त्वचेला चकाकी मिळते. * आहारात जे घ्याल ते पौष्टिकच हवे. शिवाय नाष्ट्यात ऋतूमानानुसार एक फळ हवे.